Al Stambul áýejaiy álemdik ushaq qabyldaý joldarynyń bir haby retinde, eń iri áýejai statýsyn bermek emes. Iaǵni Túrkiiaǵa jetý ońai, alty qurlyqtyń adam turatyn beseýinen áp-sátte kelip úlgeresiz. Týrizm bul memleket úshin óz mańyzyn jyl saiyn arttyryp keledi. Kelýshilerge kórsetetin tarihi jádigerleri men murajailary, jaǵajaidy saǵynǵandarǵa usynatyn teńizderi de jeterlik.
Túrkiiada týrizm salasynda 2 millionnan astam adam qyzmet etedi. Týrizm maýsymynda 3 mlnǵa jýyqtaidy. Olar qonaq úiler, tasymaldaý, taǵam, teńizde kememen qydyrtý jáne t.b. qyzmetter jasaýda. 900 myń adamdy qabyldaýǵa arnalǵan 3200 qonaq úi kesheni bar eken.
Árine, sońǵy eki jylda pandemiia bul salaǵa úlken soqqy jasaýda. Álem shekaralary jabylyp jatyr, sondyqtan bul salaǵa da ońai soqpaýda. Tezirek pandemiiany jeńýge Túrkiia baryn salýda. Sebebi virýsty jeńse, onda ol týrizm arqyly mlrdtaǵan dollar jáne qarny toq otbasylar degen sóz. "60 mlrd dollar paida tabýdy oilap edik, biyl 20 mlrd dollar tabamyz dep otyrmyz" deidi resmi týrizm salasynyń ókilderi. Osydan-aq týrizmniń mańyzyn jáne pandemiianyń áserin túsine bersek bolady.
Qazir pandemiiany jeńý úshin jappai vaktsina egip jatyr. 85 mln adamnyń 47 mlnyna ekpe alyp úlgergen. Bul týrizm salasyn barynsha qaýipsiz etý úshin jasalyp jatqan sharanyń naqty túri. Qysta ekpe egý maýsymy bastalǵanǵa deiin Túrkiiada virýs juqtyrýshylar sany 50-55 myń adamǵa deiin jetse, qazirgi tańda ol kórsetkish 2-3 myń arasynda ǵana. Al vaktsinatsiia qarqynyna qarap, aldaǵy tańda ol kórsetkish múlde azaiyp, jyl sońynda tipti biren-saran jaǵdai ǵana tirkeletindei áser qaldyrady. Resmi Ankara «qaýipsiz týrizm» kontseptsiiasyn sol maqsatta engizip jatyr. Siz Túrkiiaǵa saiahattap barsańyz, demek densaýlyǵyńyzǵa alańdaýǵa negiz bolmaidy, sebebi virýs juqtyrý múmkindigin nólge keltiremiz degen maqsatty aldyna qoiyp otyr.
Qazir Antalia jaǵalaýy týristerge tolýda. Uzaq karantindik shekteýlerden keiin el týristerge esigin qaita ashty. Eger siz kúibeń tirshilikten bir demalýdy oilap, shetelge shyǵýdy josparlasańyz, onda servis sapasy joǵary, baǵasy qoljetimdi, al eń bastysy «qaýipsiz týrizm» negizindegi júiede Túrkiiaǵa baryp qaitýyńyzǵa bolady.
Ashat Qasenǵali
