Túrkiiadaǵy sátsiz áskeri tóńkeristen keiin bastalǵan jappai tazalaýdyń kesirinen bilik demokratiia qaǵidasyn ustanýdan qalǵan jaǵdaida, Ankara NATO quramynan shyǵarylýy múmkin. Bul týraly AQSh memlekettik hatshysy Djon Kerri málimdedi, dep habarlaidy Independent. Kerridiń aitýynsha, AQSh «Túrkiia sailaǵan basshylyqty jaqtaidy».
Degenmen Qurama Shtattar Túrkiia úkimetin «eldegi demokratiialyq institýttar men zań ústemdigin qurmetteýdiń eń joǵarǵy úlgisin ustanýǵa» shaqyrdy.
«Biz tóńkeristi uiymdastyrǵandardyń ádil jazalanǵanyn qoldaimyz, biraq biz demokratiia erejelerin attap ótip, artyq áreketke barýdan saqtandyramyz», - dedi ol.
Túrkiiada tóńkeris jasaýǵa talpynǵan birqatar ásker qyzmetkeri ustaldy. Olardyń arasynda Ekinshi ásker (Túrkiia Qarýly kúshteriniń Qurlyq áskeri bólimi) qolbasshysy Adem Hýdýti bar. Quqyqorǵaýshylar Túrkiia Áýe kúshteriniń burynǵy qolbasshysy Akin Óztúriktiń de ustalǵanyn habarlady. Tóńkeristi osy ekeýi bastady delinedi. Isparta ońtústik provintsiiasynda general Metin Akkai men garnizon qolbasshysy general Mustafa Kýrýtmaza qamaýǵa alynǵan. Túrkiiadaǵy áskeri búlik 15 shildede bastaldy.
Bir top ásker qyzmetkeri azamattardyń konstitýtsiialyq quqyqtaryn saqtaý úshin el basqarýdy óz qoldaryna alǵandaryn málimdedi. Túrik úkimeti tańǵa deiin eldegi jaǵdaidy tolyqtai baqylaýǵa aldy.
