Bul týraly Túrkıa úkimeti janyndaǵy tótenshe jaǵdaılardyń aldyn alý jáne joıý basqarmasy (AFAD) habarlady.
AFAD málimetteri boıynsha, kúshti jer silkinisinen keıin 6.6 magnıtýdalyq 341 álsiz soqqy boldy, kúshi 4 baldan asady.
«Izmır qalasynda 743 turǵyn zardap shekti, beseýi Manıs provınsıasynda, ekeýi Balykesırde jáne Aıdyn provınsıasynda 54 adam, barlyǵy 804 adam» dep habarlady AFAD.
Qıraǵan 17 turǵyn úıdiń segizinde izdestirý-qutqarý jumystary aıaqtaldy.
Túrkıanyń batysynda juma kúni jergilikti ýaqyt boıynsha 14.51-de 6,6 baldyq jer silkinisi boldy.
Jer silkinisiniń epısentri Egeı teńizinde Izmır provınsıasynyń Seferhısar aýdanynyń jaǵalaýynda bolǵan.
Jer silkinisiniń oshaǵy 16,5 km tereńdikte ornalasqan.
Búgin atalmysh oqıǵaǵa baılanysty Qazaqstannyń Tuńǵysh Prezıdenti - Elbasy Nur-Sultan Nazarbaev Túrkıa basshysyna kóńil aıtý jedelhatyn joldady.
Sondaı-aq Memleket basshysy Qasym-Jomart Toqaev Qazaqstannyń Túrkıadaǵy jer silkinisinen zardap shekkenderge kómektesýge daıyn ekenin málim etti.
