بۇل تۋرالى تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە جويۋ باسقارماسى (AFAD) حابارلادى.
AFAD مالىمەتتەرى بويىنشا، كۇشتى جەر سىلكىنىسىنەن كەيىن 6.6 ماگنيتۋدالىق 341 ءالسىز سوققى بولدى، كۇشى 4 باللدان اسادى.
«يزمير قالاسىندا 743 تۇرعىن زارداپ شەكتى، بەسەۋى مانيس پروۆينسياسىندا، ەكەۋى بالىكەسيردە جانە ايدىن پروۆينسياسىندا 54 ادام، بارلىعى 804 ادام» دەپ حابارلادى AFAD.
قيراعان 17 تۇرعىن ءۇيدىڭ سەگىزىندە ىزدەستىرۋ-قۇتقارۋ جۇمىستارى اياقتالدى.
تۇركيانىڭ باتىسىندا جۇما كۇنى جەرگىلىكتى ۋاقىت بويىنشا 14.51-دە 6،6 باللدىق جەر سىلكىنىسى بولدى.
جەر سىلكىنىسىنىڭ ەپيسەنترى ەگەي تەڭىزىندە يزمير پروۆينسياسىنىڭ سەفەرحيسار اۋدانىنىڭ جاعالاۋىندا بولعان.
جەر سىلكىنىسىنىڭ وشاعى 16،5 كم تەرەڭدىكتە ورنالاسقان.
بۇگىن اتالمىش وقيعاعا بايلانىستى قازاقستاننىڭ تۇڭعىش پرەزيدەنتى - ەلباسى نۇر-سۇلتان نازاربايەۆ تۇركيا باسشىسىنا كوڭىل ايتۋ جەدەلحاتىن جولدادى.
سونداي-اق مەملەكەت باسشىسى قاسىم-جومارت توقايەۆ قازاقستاننىڭ تۇركياداعى جەر سىلكىنىسىنەن زارداپ شەككەندەرگە كومەكتەسۋگە دايىن ەكەنىن ءمالىم ەتتى.
