Túrkıadan birneshe ret alaıaqtyq jasaǵan kúdikti ekstradısıalandy, dep habarlaıdy Dalanews.kz.
Bas prokýratýranyń jáne İshki ister mınıstrliginiń Interpol qyzmetkerleri Qazaqstan Respýblıkasynyń Túrkıa Respýblıkasyndaǵy elshiliginiń qoldaýymen Antalá qalasynan birneshe ret asa iri mólsherde alaıaqtyq jasaǵan Qazaqstan azamatyn ekstradısıalady.
Tergeý derekterine súıensek, 2019-2020 jyldary kúdikti aldaý arqyly Shymkent qalasynyń 4 turǵynynyń aqshasy men jer ýchaskelerin ıemdenip, olarǵa shamamen 95 mln teńge kóleminde zalal keltirgen.
Kúdikti jábirlenýshilerdiń qarajatyn ıemdengennen keıin jaýapkershilikten jaltarý maqsatynda boı tasalaǵan, oǵan halyqaralyq izdeý jarıalanǵan.
Keıin ol Túrkıa aýmaǵynda ustalyp, Bas prokýratýranyń suraý salýy negizinde Otanyna ekstradısıalandy. Qazir ol tergeý ızolátoryna qamaldy.
