Biylǵy jyldyń 11 aiynyń ózinde Túrkiianyń áskeri-qorǵanys ónimderiniń eksporty 35,7 paiyzǵa artyp, 3,7 mlrd dollarǵan jetken. 2021 jyldyń dál osy kezeńinde túrik aǵaiyndardyń áskeri-qorǵanys ónimderiniń eksporty 2,7 mlrd dollardy quraǵan edi. Bir jyldyń ishinde olardyń bul baǵytta ónim óndirý kólemi 1 mlrd dollardan asyp ketken.
Mamandar jyl aiaǵynan deiin Túrkiianyń áskeri-qorǵanys ónimderiniń eksporty 4,20 mlrd dollardy qurap, kórsetkish 37,4 paiyzǵa artady dep boljam jasaýda.
Biyl túriktiń áskeri drondaryna suranys kúrt óskeni belgili. Buǵan Ázirbaijan men Armeniia jáne Ýkraiana men Resei arasyndaǵy soǵys áser etkeni anyq.
Óitkeni, soǵys oty tutanǵan eki elde de túriktiń «Bairaqtary» ózin jaqsy qyrynan kórsetkenin biemiz. Biyl túriktiń áskeri drondaryna degen suranys 80 paiyzǵa artyp, 871,5 mln dollardy quraǵan. Al 2021 jyldyń dál osy kezeńinde áskeri drondardy saýdalaý kórsetkishi 484,6 mln dollar bolǵan edi.
Sonymen qatar Túrkiiada óndiriletin oq-dári men zymyrandarǵa degen suranys 179 paiyzǵa artyp, 443,7 mln dollardy qurapty. Osylaisha álemdi soǵys órti sharpyǵan kezde Túrkiia óndiretin áskeri qarý-jaraqtardyń qany jerge tambai tur.
