Túrkiter Túrkistan men Kentaý arasynda jylyjailar salady
Túrkiialyq Dal Holding Investment CO. kompaniiasy jetekshisiniń Qazaqstandaǵy orynbasary jáne bas keńesshisi bolyp tabylatyn D.Shekermen júzdesýde oblys aimaǵynda, onyń ishinde, Túrkistan men Kentaý qalalarynda quramdastyrylǵan jylyjai keshenin salý jobasy sóz bolyp, ony júzege asyrý jaiy aityldy.
200 gektardan astam jerde jylyjai sharýashylyǵyn damytyp, onda ósirilgen ónimniń 80 paiyzyn eksportqa shyǵarýdy josparlap qoiǵan investorlar qalǵan kókónisterdi ishki naryqta saýdalaýdy oilap otyr.
Sheteldik kompaniianyń elimizdegi ókiliniń tanystyrylymyn muqiiat tyńdaǵan aimaq basshysy oblystaǵy jaýapty sala basshylaryna tiisti qoldaýlardy kórsetýdi tapsyrdy. Ásirese, Janseiit Qanseiituly jylyjai keshenin salýshylardyń kógildir otyn, elektr qýaty syndy qajettilikteriniń tarifin qymbattatpai, ońtaily sheship berýdi júktedi.
Túrkiialyq Dal Holding Investment CO. kompaniiasy negizin 1985 jyly Ystambulda qalaǵan. Dúniejúzi boiynsha 2 myńnan astam qyzmetkeri bar aldyńǵy qatarly injenerlik jáne ónerkásiptik topqa jatatyn seriktestik joǵary taýar ainalymymen jáne úlesimen erekshelenedi. Kompaniia joǵary tehnologiialyq ónerkásiptik qondyrǵylardy jobalaý, óndirý jáne montajdaý syndy jumystarmen ainalysady. Sonymen birge, ónerkásipke qajetti kez kelgen qurylǵyny ornatyp beredi. Holding jumysyn bastaǵan 33 jyl ishinde tsement, taý-ken óndirý, elektromotor salasy, avtomatizatsiia, mashina jasaý jáne energetika salalarynda aitarlyqtai jetistikterge jetken.
Aita ketý kerek, Túrkistan oblysynda búgingi tańda 1250 gektardan astam jylyjailar bar. Onyń 50 paiyzynan kóbi Saryaǵash aýdanynda ornalasqan.
[video width="1920" height="1088" mp4="https://dalanews.kz/wp-content/uploads/2018/08/turk.mp4"][/video]
Túrkistan oblysy ákiminiń baspasóz qyzmeti
