Túrkistandyq arýlar bas júlde úshin bolǵan tartysta Aqmola oblysynyń «Oqjetpes» komandasymen 4 ret kezdesip, 3:1 esebimen jeńdi. Sheshýshi synda alań ieleri aqmolalyq qarsylasynan 54:49 esebimen basym tústi. Qos myqtynyń tartysqa toly básekesin mamandar joǵary baǵalady.
Chempion atanǵan «Turan» komandasy men kúmis júldege ie bolǵan «Oqjetpes» komandasyn jáne úzdik oiynshylardy Túrkistan oblysy ákiminiń orynbasary Sáken Qalqamanov pen sport salasynyń basshylary arnaiy marapattady. Jyldyń úzdik oiynshysy (MVP) bolyp túrkistandyq Zalina Kýrazova tanyldy. Oǵan arnai yqurmet kórsetildi.
Túrkistan oblysynyń ákimi Ómirzaq Shókeevtiń tikelei qoldaýymen qurylǵan «Turan» sporttyq oiyn túrleri klýby qysqa ýaqytta aitýly jeńisterge qol jetkizip úlgerdi. Qyzdar el chempionatynda altyn júldege ie boldy. 2021 jyly «Turan» jastar quramasynyń erler komandasy Qazaqstan Respýblikasynyń kúzgi chempionatynda top jarsa, «Turan» áielder komandasy kýboktyń jeńimpazy atanǵan bolatyn.
