Kezdesýde Túrkistan oblysy ákiminiń orynbasary Sáken Qalqamanov, oqý orda basshysy Janar Temirbekova, QR Dúnıejúzilik mura ulttyq komıteti tóraǵasynyń orynbasary Dmıtrıı Voıakın, QR UǴA akademıgi Á. Marǵulan atyndaǵy Arheologıa ınstıtýtynyń bas dırektory Baýyrjan Baıtanaev, akademık, Býnıatova Shyǵystaný ınstıtýty dırektorynyń orynbasary Mustafaev Shaım, antropologıa departamentiniń profesory, Louis Vashıngton ýnıversıteti Maıkl Frachettı, arheolog, ǵylym doktory, arheologıa ınstıtýtynyń dırektory, Tatarstan Respýblıkasy Halıkova Ǵylym Akademıasynyń korespondent múshesi Aırat Sıdıkov, arheolog, tarıh ǵylymdarynyń doktory, Germanıa arheologıalyq ınstıtýtynyń korespondent múshesi Vıktor Zaıbert qatysty.
Dóńgelek ústel ótkizýdegi negizgi maqsat, tarıhy tereń Túrkistan qalasyna 3000 jyl bolǵandyǵyn tarıhı derekter arqyly jurtshylyqqa kórsetý.
Jıyn barysynda tarıh ǵylymdarynyń doktory, QR UǴA akademıgi jáne Álkeı Marǵulan atyndaǵy arheologıa ınstıtýttyń bas dırektory Baýyrjan Baıtanaev: «Túrkistan ejelgi jáne uly qala, sondyqtan ol qasıetti ólke. Bul erekshe qalanyń tarıhy óte ejelde, kóptegen ǵasyrlar buryn bastalǵan. 1990-2000 jyldary biz Túrkistannyń 1500 jyldyǵyn atap óttik. Biraq sodan beri kóp ýaqyt ótti. Biz bul datany atap ótken kezdegi málimetter keńestik jáne keńes dáýiri bolǵan, sodan keıin Qazaqstannyń táýelsizdiginiń barlyq jyldarynda júrgizilgen irgeli zertteýler bolǵan joq, eń qyzyqty Ejelgi Túrkistannyń ýrbanızasıasynyń ózindik tereń tarıhy bar.
Demek, bizdiń dáýirimizge deıingi 15 ǵasyrda taıpalar osy terıtorıada ómir súrgen. Túrkistan aýmaǵyndaǵy arheologıalyq keshenderdi zertteı otyryp, biz eki ejelgi qorymdardy ashamyz. Munda tabylǵan jerlemeler men atrıbýttar bizdiń dáýirimizge deıingi XV ǵasyrǵa jatatyny sózsiz. Bul jádigerler munda ómir súrgen taıpalar máıitterdi osynda jerlegenin jáne osy qalanyń aýmaǵynda ómir súrgenin kórsetedi», - dedi. Dóńgelek ústelge jınalǵan arheolog ǵalymdar da ózara pikir bildirip, ejelgi qalany áli de zerttep zerdeleı túsý kerektigin jetkizdi.
Kezdesý sońynda ýnıversıtet basshysy kelgen qonaqtar men ǵalymdarǵa oqý orda atynan «Qoja Ahmet Iasaýıdiń hıkmetteri» atty ýnıversıtetimizdiń qoldaýymen jaryqqa shyqqan danalyq kitapty jáne «Prezıdent Nazarbaev» qyzǵaldaǵynyń gúl shoqtaryn tartý etti.
