Sondai-aq, Túrkistan óńirinde týrizm áleýetin arttyrý úshin artqarylyp jatqan jumystarmen tanystyrdy.
Kieli óńirdiń týristik áleýetin arttyrý máselesi oblys ortalyǵy Túrkistanǵa kóshkeli beri odan saiyn ózekti bola tústi. Túrkistannyń týristerdi tańǵaldyrar tarihi oryndary men mádeni murasy álemge tanylsa bul sol óńirge ǵana emes, tutas memlekettiń týristik múmkindigi men ekonomikasyna oń áserin tigizer edi. Qazirgi týrizmdi shikizattyq salaǵa qaraǵanda túsimdi, tartymdy biznes kózi.
Kúni keshe Túrkistan qalasyna 1 millionynshy týrist keldi. AQSh azamattary sonaý Soltústik Korolina shtatynan kelgen erli-zaiyptylar Ýiliam jáne Barbara Brenchterdi Túrkistan oblysynyń ákimi Janseiit Túimebaevtyń ózi Iasaýi kesenesi aldynan kútip aldy.
Elimizge alǵash kelip otyrǵan Ýiliam Brench Amerika azamattary Orta Aziia elderi ishinde Túrkistanǵa jii keletinderin jetkizdi.
«Túrkistan – Orta Aziia memleketteri ishindegi tarihqa bai, kieli mekenderdiń biri ǵoi. Biz Túrkistan týraly kóp estidik. Bizdiń eldiń azamattary osy qasietti qalaǵa jii keledi. Biz Túrkistan qalasy men Iasaýidiń tarihymen habardarmyz. Qazaqstanǵa, Túrkistan óńirine kelgeli qazaq halqynyń qonaqjailyǵy men darqandyǵyna kýá boldyq. AQSh-qa barǵannan keiin ondaǵy otandastarymyzǵa osy qundylyqtaryńyzdy jetkizip, kelesi jyly arnaiy taǵy at basyn buramyz», - dedi Ýiliam Brench.
