Túrkistan qalasyna «Erekshe mártebe» týraly Zańda qolónershilerge memlekettik qoldaý sharalary kórsetilgen. Osy Zań aiasynda Túrkistan qalasy «World Craft Council» halyqaralyq uiymynyń sheshimimen jáne Dúniejúzilik qolóner Keńesiniń kelisimimen «Qolónershiler qalasy» mártebesin ielendi, – dep habarlaidy Dalanews.kz
Aqpan aiynda Túrkistanǵa «World Craft Council» halyqaralyq uiymynyń músheleri men Dúniejúzilik qolóner Keńesiniń Aziia-Tynyq muhity aimaǵy boiynsha vitse-prezidenti, aimaq boiynsha sarapshylar – Úndistannan, Túrkiiadan, Ońtústik-Shyǵys Aziia aimaǵynan arnaiy saparmen kelip, qala múmkindikterin joǵary baǵalap, Túrkistan qalasynyń ákimi Ázimbek Pazylbekulynyń qabyldaýynda bolǵan bolatyn.
Sarapshylarmen kelissóz barysynda qala ákimi Túrkistan qalasynyń «Halyqaralyq qolónershiler qalasy» mártebesin alýyna niet bildirip, ótinim joldanǵan bolatyn. Nátijesinde, keshe Túrkistan qalasy resmi túrde «Qolónershiler qalasy» mártebesin rastaityn sertifikatqa ie boldy.
Túrkistan qalasynda qolóner salasy ulttyq dástúrlerdi saqtai otyra, zamanaýi úrdistermen úilesimdi damýda. Túrkistandyq sheberlerdiń keramikalyq buiymdary ásemdigimen, naqyshty órnekterimen jáne joǵary sapasymen erekshelenedi. Aldaǵy ýaqytta «Erekshe mártebe» statýsy aiasynda qolónershilerdiń shyǵyndarynyń 25%-y sýbsidiialanatyn bolady. Sondai-aq, taiaý ýaqytta Qolónershiler ortalyǵyn paidalanýǵa berý josparlanýda.
