Qýanysh Aitahanov jáne Darhan Myńbai rýhani shaharda ótken basqosýlarda saiasi júieni transformatsiialaý jaiy talqylady. Saýran, Shaýǵar jáne Birlik sektorlarynyń turǵyndarymen, aýrýhana qyzmetkerleri, ziialy qaýym ókilderi jáne jastarmen ótken kezdesýlerge qatysqan shtab músheleri ózgeristerden soń memleket pen qoǵam arasyndaǵy qarym-qatynas ońtailanatynyna keńirek toqtaldy. Jiyndarǵa aimaqtyq partiia filialynyń Atqarýshy hatshysy B.Tájibaev, oblystyq máslihat depýtattary B.Shoibekov, I.Namazbaeva da qatysty. Shtab músheleri jańa reformalar týraly áńgime órbitti.
Jańadan qurylǵan Saýran aýdanynyń turǵyndary da referendýmdy qoldaidy. Olar maýsymnyń 5-inde ótetin saiasi naýqan eldegi áleýmettik-ekonomikalyq ózgeristerge ala keletinine senedi. Ata zańǵa enetin ózgertýler osynyń aiǵaǵy. Bul týraly Qudaibergen Erjannyń Saýran aýdanynyń turǵyndarymen kezdesýinde aityldy. Oranǵai aýylynyń turǵyndary, sharýa qojalyqtarynyń ujymy jáne dárigerlermen kezdesýge Túrkistan oblystyq máslihat depýtattary K.Áýen jáne N.Ataeva qatysyp, jinalǵandardy referendýmdy qoldaýǵa shaqyrdy.
Qainar Abasov Sozaq aýdanynda bolyp, birqatar mańyzdy kezdesýler ótkizdi. Eń aldymen Taýkent jáne Sozaq aýylynyń jergilikti turǵyndarymen kezdesti. Basqosý kezinde depýtat jalpyhalyqtyq referendýmnyń mańyzyna toqtalyp, turǵyndarǵa daýys berýdiń erejeleri men sharttaryn jan-jaqty túsindirdi. Jiynǵa Túrkistan oblystyq máslihat depýtattary Q.Jantóreeva jáne M.Turysbekov úgit jumystaryn júrgizdi. Sapary aiasynda bilim jáne densaýlyq saqtaý salasynyń qyzmetkerleri, «Uko-S-Star» metal qurastyrý mekeme ujymymen kezdesti. Sala qyzmetkerleri kezdesý barysynda ózderin tolǵandyratyn suraqtardy alǵa tartyp, Ata Zańǵa engiziletin ózgeristerdiń jekelegen baptary boiynsha ortaq pikirlerin aitty.
Syrym Ertaev Jetisai aýdanynyń jergilikti turǵyndary, diqandary, bilim salasynyń ókilderi men jastary qamtylǵan kezdesýlerde referendýmdy áńgimege arqaý etti. Jiyndarǵa Túrkistan oblystyq máslihat depýtattary T.Qarjaýov jáge T.Qyryqbaev qatysyp, jurtshylyqqa aqparattyq túsindirmeler júrgizdi. Sondai-aq shtab músheleri “Asyl qazyna jáne teń qoǵam” áleýmettik ortalyǵynyń jumysymen de tanysyp, ujymymen, qariialarmen áńgimelesti.
Jalpy partiia janyndaǵy respýblikalyq shtab músheleriniń Túrkistan óńirine jumys sapary 3 maýsymǵa deiin jalǵasady. Jergilikti turǵyndardyń bilik ókilderimen betpe-bet júzdesýine, pikirlesýine jáne usynystaryn bildirýge aitarlyqtai múmkindik týyp otyr.
