Túrkistandyqtar kómirden tarshylyq kórmeidi
Oblystaǵy temir jol stantsiiasy qoimalaryndaǵy 1 tonna kómirdiń baǵasy boiynsha «Shubarkól» kómiri – 14-15 myń teńge, «Botaqara» kómiri – 10-11 myń teńge kóleminde. Búgin bul týraly Túrkistan oblystyq óńirlik kommýnikatsiialar qyzmetinde ótken brifingte Energetika jáne turǵyn úi-kommýnaldyq sharýashylyq basqarmasynyń basshysy Marǵulan Maraiym málim etti.
Onyń aitýynsha, oblystaǵy 2830 biýdjettik mekemeniń barlyǵy, iaǵni 100 paiyzy qysqy maýsymǵa daiyn. Onyń ishinde bilim salasynda – 1289, densaýlyq saqtaý salasynda – 788, áleýmettik salada – 753 mekeme.
– Oblys boiynsha jeke turǵyndardyń aldaǵy kúzgi-qysqy kezeńdegi kómir otynyna degen jalpy qajettiligi – 902 myń tonna, búgingi kúnge temir jol stantsiialaryndaǵy qoimalarǵa tasymaldanǵany – 689,1 myń tonna. Oblystaǵy ortalyqtandyrylǵan jylýmen qamtamasyz etiletin kópqabatty turǵyn úilerdiń sany – 544, olar jylý berý maýsymyna tolyq daiyn. Derbes qazandyqtardyń (kotelnaia) sany – 10, barlyǵy qysqy maýsymǵa daiar. Oblystyń jylý berý daiyndyǵyna apta saiyn turaqty monitoring júrgizilýde, – dedi Marǵulan Zulharnaiuly.
Budan bólek, mazýt otynyna degen oblys boiynsha qajettilik kólemi 10 myń tonna bolsa, Energetika ministrligimen tasymaldaý kestesi bekitilip, kelisim-shart jasalǵan.
Aita keterligi, oblystyń soltústik jáne taýly aimaqtarynda atap aitqanda, Sozaq, Tólebi, Túlkibas aýdandarynda 15 qazannan bastap jylý berilip otyr.
Túrkistan oblysy boiynsha tabiǵi monopoliia sýbektileriniń kommýnaldyq qyzmetteri úshin 2018 jyldyń 1 qazandaǵy bereshegi – 499,2 mln. teńgeni quraǵan. Bereshektiń negizgi bóligi jeke turǵyndar paidalanǵan tabiǵi gazǵa qatysty.
