Toǵyzqumalaq – álemdik mádeniettiń kez kelgen úlgilerimen boi teńestire alatyn ziiatkerlik oiyn. Qazaqtyń ulttyq oiyny sońǵy jyldary erekshe damyp keledi. Osy maqsatta búgin Túrkistan qalasyndaǵy Etnoaýylda toǵyzqumalaq alleiasy ashyldy. Endi qala qonaqtary men turǵyndary ashyq aspan astynda oinai alady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Bul bastamaǵa Dúniejúzilik Kóshpendiler oiynyn qoldaý maqsatynda Túrkistannyń týmasy, Toǵyzqumalaq federatsiiasynyń vitse-prezidenti Maqsat Ramanqulov uiytqy bolyp, oblys ortalyǵyna syi jasady.
Dúniejúzilik jáne Respýblikalyq Toǵyzqumalaq federatsiiasynyń Prezidenti, qoǵam qairatkeri Álihan Baimenov óz sózinde bul shara ziiatkerlik pen dástúrdi toǵystyratyn toǵyzqumalaq sport túriniń rýhani shaharda qarqyndy damýyna jol ashady dedi.
Shara barysynda alǵashqy saiysy uiymdastyrylyp, jeńimpazdarǵa arnaiy syi-siiapat usynyldy. Aldaǵy kúnderi tórt toǵyzqumalaq taqtasy ornatylyp, el igiligine beriledi.
Aita keteiik, Túrkistanda byltyr ashylǵan Balalar jáne jasóspirimder sport klýbynda qazaq halqynyń murasyna ainalǵan toǵyzqumalaq úiirmesi bar. Munda bir jattyqtyrýshy kóptegen shákirt tárbielep, ulttyq sportqa baýlyp júr.
