Túrkistan oblysyna qarasty Keles aýdanynda turatyn Ramazan Saparbai «Mal aýrýlaryn erte anyqtaý júiesi» atty ǵylymi zertteý jumysyn júrgizip, joba maketin qurastyrdy, dep habarlaidy Dalanews.kz
Bul joba - aýyl sharýashylyǵyn damytyp, maldyń densaýlyǵyn saqtaýǵa baǵyttalǵan. Búginde Ramazan №35 A.Orazbaeva atyndaǵy jalpy bilim beretin mektebiniń 7-synyp oqýshysy. Atalǵan joba aýdandyq «Zerde» baiqaýynda úzdik atanǵan. Mundai ǵylymi jobalar oqýshylardyń zertteýshilik qabiletin shyńdap, aýyldyń áleýmettik-ekonomikalyq damýyna oń áserin tigizbek.
Oqýshynyń ǵylymi jetekshisi Ainýr Parymbetovanyń aitýynsha, Ramazannyń jobasy mal aýrýlaryn der kezinde anyqtaýǵa kómektesedi. Jobada arnaiy sensorlar men derekterdi taldaý júieleri qarastyrylǵan. Bolashaqta bul júie mal dárigerleriniń jumysyn jeńildetip, aýyl sharýashylyǵyndaǵy shyǵyndy azaitýǵa septigin tigizedi.
