Túrkistan oblysy kásipodaqtarynyń tóraǵasy Berik Bekjanov «Joldaýda álemniń damyǵan 30 memleketiniń qataryna ený jolyndaǵy mindetter júktelgen. Eńbek adamynyń múddesi qorǵalyp, jumysshylardyń turmys deńgeıin jaqsartý negizge alynǵan. Eń tómengi jalaqy kóleminiń ulǵaıýy, búdjettik mekeme qyzmetkerleriniń jalaqysynyń ósýi jurtshylyqty qýantyp jatyr. Kásipodaqtar da Prezıdentimizdiń bastamalary men ıdeıalaryn qoldaıdy jáne Joldaýdaǵy mindetterdi oryndaýǵa úles qosady» dedi.
Sonymen qatar, jıynda tóraǵa orynbasary Serik Áýeshanov baıandama jasasa, kásipodaq salasynyń ardageri, “Halyqtar dostyǵy” jáne “Qurmet” ordenderiniń ıegeri Dosybaı Sherimqulov jáne ózge de azamattar jarysózge shyǵyp, oılary men usynystaryn jetkizdi.
Aldaǵy ýaqytta Joldaýdaǵy basym baǵyttar árbir bastaýysh kásipodaq uıymdarynda, kásiporyndar men eńbek ujymdarynda nasıhattalyp qana qoımaı, ony júzege asyrý baǵytyndaǵy jumystar da qolǵa alynbaq.
Túrkistan oblysy ákiminiń baspasóz qyzmeti
