تۇركىستان وبلىسى كاسىپوداقتارىنىڭ ءتوراعاسى بەرىك بەكجانوۆ «جولداۋدا الەمنىڭ دامىعان 30 مەملەكەتىنىڭ قاتارىنا ەنۋ جولىنداعى مىندەتتەر جۇكتەلگەن. ەڭبەك ادامىنىڭ مۇددەسى قورعالىپ، جۇمىسشىلاردىڭ تۇرمىس دەڭگەيىن جاقسارتۋ نەگىزگە الىنعان. ەڭ تومەنگى جالاقى كولەمىنىڭ ۇلعايۋى، بيۋدجەتتىك مەكەمە قىزمەتكەرلەرىنىڭ جالاقىسىنىڭ ءوسۋى جۇرتشىلىقتى قۋانتىپ جاتىر. كاسىپوداقتار دا پرەزيدەنتىمىزدىڭ باستامالارى مەن يدەيالارىن قولدايدى جانە جولداۋداعى مىندەتتەردى ورىنداۋعا ۇلەس قوسادى» دەدى.
سونىمەن قاتار، جيىندا ءتوراعا ورىنباسارى سەرىك اۋەسحانوۆ بايانداما جاساسا، كاسىپوداق سالاسىنىڭ ارداگەرى، “حالىقتار دوستىعى” جانە “قۇرمەت” وردەندەرىنىڭ يەگەرى دوسىباي شەرىمقۇلوۆ جانە وزگە دە ازاماتتار جارىسوزگە شىعىپ، ويلارى مەن ۇسىنىستارىن جەتكىزدى.
الداعى ۋاقىتتا جولداۋداعى باسىم باعىتتار ءاربىر باستاۋىش كاسىپوداق ۇيىمدارىندا، كاسىپورىندار مەن ەڭبەك ۇجىمدارىندا ناسيحاتتالىپ قانا قويماي، ونى جۇزەگە اسىرۋ باعىتىنداعى جۇمىستار دا قولعا الىنباق.
تۇركىستان وبلىسى اكىمىنىڭ باسپا ءسوز قىزمەتى
