Elbasynyń 2019 jyldy Jastar jyly dep jariialaýyna orai, Túrkistan oblystyq jastar resýrstyq ortalyǵynyń basshysy Bereke Dúisebekov arnaiy baspasóz konferentsiiasyn ótkizdi. Spikerlerdiń qatarynda jas aqyn Muqaǵali Kenjetaiuly men Iasaýi atyndaǵy HQTÝ-ń stýdenti Úmit Rahymjanqyzy da boldy.
Jastar jylyna qatysty túrkistandyq jastardyń biylǵy jańalyǵy qandai bolmaq degen taqyryp aiasynda sóz bastaǵan ortalyq basshysy taiaý kúnderi oblys ortalyǵy – Túrkistan shaharynda elimizde alǵash ret, basqa óńirlerde kezdespeitin kóp fýnktsionaldy úlken jastar ortalyǵy ashylatynyn jetkizdi.
BAQ ókilderimen kezdesýde ortalyq jetekshisi Túrkistan qalasyndaǵy jastardyń shet tilin jetik meńgerýi úshin atalǵan kóp fýnktsionaldy ortalyqta shet tilder mektebi tegin jumys istei bastaitynyn habarlady. Onda birinshi kezekte, aǵylshyn, orys, túrik, qytai tilderi úiretilip, bul óz kezeginde shahardyń týristik áleýetin odan ári arttyrýǵa septigin tigizetinin jetkizdi.
El Prezidentiniń búgingi jastarmen basqosýynda olardy bilimge, ǵylymǵa, innovatsiialyq jobalardy oilap tabýǵa baǵyttaý arqyly kommertsiialandyrýǵa beiimdeý qajettigin baiandaǵan B.Dúisebekov bul rette de túrkistandyq ákimdik mamandarynyń tiisti jumystardy atqaryp jatqanyn, daryndy jastardy aýyldy jerlerden izdestirip, olarǵa jaǵdai jasaý máselesi oilastyrylyp jatqanyn jetkizdi.
Munan bólek, baspasóz otyrysynda jas aqyn Muqaǵali Kenjetaiuly men Iasaýi atyndaǵy HQTÝ-ń stýdenti Úmit Rahymjanqyzy Ult Kóshbasshysy Nursultan Ábishulynyń búgingi jastarmen basqosýy elimizdiń keleshegi – jastarymyzǵa rýh berip, olardyń Otanymyzdy kórkeitip, damytýyna odan ári kúsh beretinine senimi mol ekenderin aitty.
«Jasyl el» baǵdarlamasy boiynsha jyl saiyn 1275 jas jumyspen qamtylýda. «Diplommen aýylǵa» jobasy aiasynda 913 jas maman jumysqa ornalasyp, 314 maman baspanaly boldy.
Elbasy Jarlyǵyna sáikes jastarǵa áleýmettik qoldaý masqatynda biylǵy jyly aýdan, qalalardaǵy 500-den astam jumyssyz azamattardy Túrkistan qalasynda salynyp jatqan qurylys jumystaryna tartý úshin «Túrkistan jastar qurylys jasaǵy» qurylyp, merdiger kompaniialarymen kelissózder júrgizilýde.
Memleket basshysynyń tapsyrmasyna sáikes óńirlik «Jas Sarbaz» áskeri-patriottyq jastar qozǵalysy quryldy.
Aita keteiik, Jastar jylyna orai 2019 jyldyń naýryz aiynan bastap jyl sońyna deiin «Aýdan jastarynyń Túrkistanǵa tartýy» atty aptalyǵy uiymdastyrylyp, 1000-nan astam mádeni-sporttyq is-sharalar uiymdastyrylmaq.
Sonymen qatar, biyl «Túrki jastarynyń kongresi» jáne «Orta Aziia jastarynyń forýmy» halyqaralyq is-sharalary ótkizilýi josparlanýda.
Túrkistan oblysy ákiminiń baspasóz qyzmet
