Oblystyq máslihat depýtaty Dinara Egamberdieva «Qamqorlyq» baǵdarlamasy aiasynda Sairam aýdanyndaǵy 112 otbasyna azyq-túlik jiyntyǵyn tartý etti.
Jas depýtattyń igi is-sharasyna aýdan ákimi, «Nur Otan» partiiasynyń Sairam aýdanyndyq filialynyń tóraǵasy U.Sadibekov jáne partiia filialy tóraǵasynyń birinshi orynbasary A.Ábdiqadyrov, aýdan ákiminiń birinshi orynbasary A.Óserbaev, aýdandyq máslihatynyń hatshysy, depýtat Sh.Halmýradov qatysyp, qoldaý bildirdi.
Biyl depýtattyq mandatqa ie bolǵan Dinara Egamberdieva buǵan deiin de ondaǵan otbasyna kómek kórsetken bolatyn. "Nur Otan" partiiasynyń sailaýaldy baǵdarlamasyn oryndaýǵa úles qosyp júrgen depýtat turaqty túrde qoǵamdyq qabyldaý ótkizip, ózekti máselelerdi sheshýge atsalysyp keledi.
«Nur Otan» partiiasy Túrkistan oblystyq filialynyń baspasóz qyzmeti
