Túrkistan oblysy,  Saıram aýdanynda Naýryz merekesi ıgilikti istermen órnektelip jatyr. Naýryzdyń 18‐i «Igi ister kúni» dep atalyp, bul kúni ár adam óziniń múmkindigine qaraı jaqsylyq jasady. Solardyń biri – «Nur Otan» fraksıasynyń múshesi Dınara Egamberdıeva.

Oblystyq máslıhat depýtaty Dınara Egamberdıeva  «Qamqorlyq» baǵdarlamasy aıasynda Saıram aýdanyndaǵy 112 otbasyna azyq-túlik jıyntyǵyn tartý etti.

Bul 112 otbasy kómekke muqtaj bolǵanymen, memleketten eshqandaı tólem alýǵa múmkindigi joq. Sondyqtan «Baqytty otbasy» jobasy, «Qamqorlyq» baǵdarlamasy aıasynda turaqty qoldaý kórip keledi.

Jas depýtattyń ıgi is-sharasyna aýdan ákimi,  «Nur Otan»  partıasynyń Saıram aýdanyndyq fılıalynyń tóraǵasy U.Sadibekov jáne partıa fılıaly tóraǵasynyń birinshi orynbasary A.Ábdiqadyrov, aýdan ákiminiń birinshi orynbasary A.Óserbaev,  aýdandyq máslıhatynyń hatshysy, depýtat Sh.Halmýradov qatysyp, qoldaý bildirdi.

Bıyl depýtattyq mandatqa ıe bolǵan Dınara Egamberdıeva buǵan deıin  de ondaǵan otbasyna kómek kórsetken bolatyn.  "Nur Otan" partıasynyń saılaýaldy baǵdarlamasyn oryndaýǵa úles qosyp júrgen depýtat turaqty túrde qoǵamdyq qabyldaý ótkizip,  ózekti máselelerdi sheshýge atsalysyp keledi.

«Nur Otan» partıasy Túrkistan oblystyq fılıalynyń  baspasóz qyzmeti