Elimizdiń barlyq óńirinen iriktelip kelgen sý sporty sheberleri arasynda Túrkistan oblysynyń sý sport túrlerinen olımpıada rezerviniń mamandandyrylǵan balalar men jasóspirimder sport mektebiniń shákirtteri túrli baǵdarlamalar boıynsha ózderiniń myqtylyqtaryn kórsetip, 10 altyn, 11 kúmis jáne 18 qola medal jeńip aldy.
Dılfýzahon Ergashhanova jarys barysynda qarsylastaryn qapy qaldyryp, Qazaqstannyń 6 dúrkin jeńimpazy atandy. Ol jekeleı kanoede esýden S-1 saıysy boıynsha 1000, 500, 200, 5000 metr qashyqtyqta altynnan alqa taqsa, juptyq synda (S-2; 500 mıks jáne S-2; 1000 metr) qashyqtyqta da eshkimge des bermedi.
Karına Nurǵalıeva men Sultan Sharapıev jekeleı baıdarka esýde altyn júldege qol jetkizse, juptyq synda Albına Halıkovanyń da mereıi ústem bolyp, el chempıony atandy.
