Búgin jalpyhalyqtyq  referendýmǵa daýys berý bastaldy. Túrkistan oblysynda  1,1 mln saılaýshy bar. Aımaqtaǵy 914 saılaý ýchaskesi tańǵy 7-den bastap ashylyp, jumysyna kiristi. Ár saılaý ýchaskesinde 2 partıa múshesi talabymen 1814 “amanattyq” baqylaýshy ahýaldy nazarda ustap, baıandaýda.

Ata Zańdaǵy túzetýlerdi engizýge halyqqa erik berildi. Áý bastan reformalardy qoldadym. Jıi bólisip, pozısıamdy da bildirip júrdim. Búgin mine tarıhı sáttiń kýási bolyp, eldiń damýy men bolashaǵy úshin Túrkistan  qalasyndaǵy №133 referendým ýchaskesine baryp, daýys berdim. Oblystyq partıa fılıalynyń da ujymy bir kisideı atsalysyp, óz tańdaýlaryn jasady.

Jalpy oblysta tańnan beri naýqan qyzý júrip jatyr. Myńdaǵan azamattar daýys berýde. Olardyń arasynda ǵasyr jasaǵan ardagerlerimizden bastap, 18 jastan asqan jastar da bar. Naýqan keshki saǵat 20.00-ge deıin jalǵasady. Turǵyndar jaýapkershilikti uǵynyp, referendýmdy qoldaıdy degen úmit mol.

Beısen TÁJİBAEV, «AMANAT» partıasy Túrkistan oblystyq fılıalynyń Atqarýshy hatshysy