Túrkistan oblystyq balalar aýrýhanasyna Saryaǵash qalasynan 13 jasar qyz balasy jetkizilgen. Aýyr halde túsken patsientte qimyl qozǵalysynyń shektelýi, aiaq-qoldarynyń saldanýy, jambas qýysynyń fýnktsiiasynyń buzylystary baiqalǵan, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jaǵdaiynyń aýyrlyǵyna bailanysty naýqas jedel túrde jansaqtaý bólimine jatqyzyldy. Bul jaǵdai óte qaýipti jáne shuǵyl meditsinalyq aralasýdy qajet etedi. Joǵary tehnologiialyq tekserýler ótkizgen dárigerler naýqasqa «Jedel taralǵan entsefalomielit» diagnozyn qoidy.
Mundai sirek kezdesetin nevrologiialyq buzylys kóbinese virýstyq nemese bakteriialyq infektsiiadan aýyryp ótkennen keiin 7-14 kún aralyǵynda paida bolady deidi mamandar.
Der kezinde syrqaty anyqtalǵan naýqasqa dárigerler immýnomodýliatorlar, qabynaýǵa qarsy preparattar emin jasaǵan. Nátijesinde, emdelýshiniń densaýlyq jaǵdaiy jaqsardy. Barlyq bulshyqet kúshi, qimyl-qozǵalysy qalypqa kele bastady. Aiaq-qoly saldanyp qalǵan jasóspirimge Túrkistan oblysynyń shtattan tys bas balalar nevrology Álibaev Ábilqaiyr jáne jansaqtaý bóliminiń meńgerýshisi Abetaev Nurlybek emdeý sharalaryn júrgizip, oń nátije berdi.
Osylaisha, Túrkistan oblystyq balalar aýrýhanasynyń joǵary bilikti dárigerleri naýqas ómirin qutqaryp, ony qalypty ómirge qaitardy.
