Túrkistandyq dárigerler AQSh-ta alǵan bilimderin áriptesterine úiretýde
Dárigerler BLS, ACLS, PALS baǵdarlamalary boiynsha jedel meditsina nusqaýshylaryn daiarlaý taqyrybynda bilim alyp, júrek-ókpe reanimatsiiasyna jáne júrek-qan tamyr aýrýlaryn jedel emdeýdi, neonataldy kezeńde adam ómirin saqtap qalý boiynsha bilimderin shyńdady.
Amerikaǵa Túrkistan, Kentaý qalalarynan jáne Ordabasy, Jetisai aýdandarynan 11 meditsinalyq qyzmetker baryp kelgen-di. Endi bul mamandar alǵan bilimderi men tájiribelerin áriptesterine úiretýde.
– Qazirgi tańda jedel-járdem barǵanǵa deiin júregi toqtap qalǵandar kóptep kezdesedi. Sondyqtan kez kelgen adamda «júrek-ókpe reanimatsiiasy» boiynsha bilimi bolsa birshama adam aman qalar edi. Sol boiynsha barlyq meditsina qyzmetkerleri men basqa da sala qyzmetkerlerin arnaiy alynǵan «Prestan» manekenderi arqyly oqytý josparda bar, – deidi Kentaý qalalyq ortalyq aýrýhanasynyń reanimatsiia bóliminiń meńgerýshisi Erjan Jumashev.
