Búgin Túrkistan oblysynyń ardagerleri merekege oraı kıeli shaharda bas qosty. Oblystyń aýdan, qalalarynan kelgen 50 ardagerdi oblys ákiminiń orynbasary Beısenbaı Tájibaev qarsy alyp, qazynaly qarttarǵa jyly lebizin bildirdi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
– Túrkistan qalasyna jaqynda Prezıdentimiz Qasym-Jomart Toqaev jumys saparymen kelgen bolatyn. Memleket basshysyna oqý ornyndaǵy bilim berý prosesiniń ereksheligi men oqýshylardyń ǵylymı-zertteý jobalary tanystyryldy.
Qazirgi ýaqytta «Túrkistan qalasynyń erekshe mártebesi týraly» Zań jobasyn daıyndalyp jatyr. Túrkistanymyzda kún sanap túrli rýhanı-mádenı, týrısik nysandar boı kóterip, respýblıkalyq jáne halyqaralyq deńgeıde is-sharalar ótetin ortalyqqa aınaldy. Óndiris oryndary ashylyp jatyr. Barlyǵy da ózderińizdiń kóz aldaryńyzda. Sizderdi meıirim men izgilik merekesimen shyn júrekten taǵy da qutttyqtaımyn, – dedi ákim orynbasary.
Aldymen ótken oqý jylynda ǵana óz jumysyn bastaǵan «Bilim-Innovasıa» lıseıin aralap, bilim ordasynyń jumysymen tanysty. Jyl basynda jańa ǵımarat paıdalanýǵa berilip, lıseı-ınternat Kentaýdan Túrkistan qalasyna kóshirilgen. Qazir munda 500-den astam oqýshy bilim alyp jatyr. Lıseıde jaratylystaný-matematıka baǵytyna basymdyq beriledi.
Sodan soń ardagerler Muz saraıyn aralap kórdi. Zamanaýı úlgide jabdyqtalǵan keshendi Oblystyq dene shynyqtyrý jáne sport basqarmasy basshysynyń orynbasary Jazıra Múslimova tanystyrdy. Munda short-trek, mánerlep syrǵanaý jáne hokeı sıaqty qysqy sport túrlerimen jyl boıy aınalysýǵa qajetti barlyq jaǵdaı jasalǵan. Nysanda Italıa, Kanada, Germanıa, Fınlándıa elderinde shyǵarylǵan qondyrǵylar ornatylǵan. Arnaıy tehnologıa alańnyń pishinin ózgertýge múmkindik beredi. Sol arqyly muz aıdynynda bir mezgilde birneshe sport túrimen shuǵyldanýǵa bolady.
Jumyspen qamtýdy úılestirý jáne áleýmettik baǵdarlamalar basqarmasy muryndyq bolǵan ıgi bastama óńirdegi ınvestısıalyq jobalar shoǵyrlanǵan «SPK TURKISTAN» óndiristik parkinde jalǵasty. Óndiristik parktiń qurylysy 100 gektar jerge salynady. Qurylys eki kezeń boıynsha júzege asyrylady. Indýstrıalyq alańnyń birinshi kezeńinde 30 gektar jer telimi bólinip, tıisti ınfraqurylymmen jáne komýnıkasıa jelilerimen qamtamasyz etildi. Bastapqyda jalpy quny 96,9 mıllıard teńgeni quraıtyn 29 ınvestısıalyq jobany iske asyrý josparlanǵan. Búginde ınvestısıa kólemi 36,5 mıllıard teńge bolatyn 8 óndiris iske qosylyp, 712 jańa jumys orny ashyldy.
Aıta keteıik, jalpy oblysta 200 myńǵa jýyq zeınet jasyndaǵy qart pen ardagerler turady. Onyń 11-i Uly Otan soǵysynyń ardagerleri bolsa, 3,2 myńnan astamy tyl eńbekkerleri. Sonymen qatar 100 jastan asqan 60 qart azamat turady. Onyń ishinde jasy eń úlkeni – Jetisaı aýdanynyń 110 jasqa tolǵan turǵyny Begbaeva Ýngaı. Oblystyq búdjet esebinen demalys oryndarynda 8 myńǵa jýyq qarıa demalyp, densaýlyǵyn túzeıdi. Sol demalys oryndarynyń biri – «Ardagerler úıin» Túrkistan oblysyna kóshirip, kelesi jyly ardagerlerdi qabyldaý kózdelip otyr.
