Kún tártibinde Memleket basshysy Q.K.Toqaevtyń «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» atty halyqqa Joldaýy talqylanyp, «Ákeler mektebin» qurý týraly máseleler qaraldy.
Jıyndy oblystyq ardagerler keńesiniń tóraǵasy Jeńisbek Máýlenqulov ashyp, júrgizip otyrdy.
Kún tártibindegi alǵashqy másele boıynsha sóz alǵan tarıh ǵylymdarynyń kandıdaty, OQMPÝ-ń «Rýhanı jańǵyrý» ortalyǵynyń basshysy Qaırat Anarbaev Joldaý jaıly baıandama jasady. Onda Qasym-Jomart Toqaevtyń alǵashqy Joldaýy Elbasy bastamalarynyń jalǵasy ekendigine toqtalyp, erekshelikterimen bólisti.
Sondaı-aq, Saıram aýdandyq ardagerler keńesiniń tóraǵasy Álibek Baınazar, oblystyq ardagerler keńesi tóraǵasynyń orynbasary Kenjehan Tólebaev, eńbek ardagerleri Ábdishúkir Saparbekov pen Málik Muratbekuly jaryssózge shyǵyp, usynys-pikirlerin ortaǵa saldy. Sóz sońynda Joldaýdy el ishinde jan-jaqty nasıhattaý maqsatynda qaýly qabyldandy.
Oblystyq ardagerler keńesiniń tóraǵasy Jeńisbek Máýlenqulov ýaqyt talabynyń qajettiligine qaraı Túrkistan oblystyq ardagerler keńesi janynan «Ákeler mektebin» quratyndyǵyn habarlaı kelip, kópshilikke «Ákeler mektebiniń» erejesi tanystyrylyp, maqsaty men mindeti aıtyldy.
Ardagerler bul bastamany qoldaıtyndyǵyn jetkizip, oılaryn ortaǵa saldy. «Ákeler mektebi» ashylsa, otbasylyq qundylyqtar saqtalyp, aldaǵy ýaqytta jasóspirimder arasyndaǵy quqyq buzýshylyqtyń aldyn alýǵa sep bolmaq.
Túrkistan oblysy ákiminiń baspasóz qyzmeti
