كۇن تارتىبىندە مەملەكەت باسشىسى ق.ك.توقايەۆتىڭ «سىندارلى قوعامدىق ديالوگ-قازاقستاننىڭ تۇراقتىلىعى مەن وركەندەۋىنىڭ نەگىزى» اتتى حالىققا جولداۋى تالقىلانىپ، «اكەلەر مەكتەبىن» قۇرۋ تۋرالى ماسەلەلەر قارالدى.
جيىندى وبلىستىق ارداگەرلەر كەڭەسىنىڭ ءتوراعاسى جەڭىسبەك ماۋلەنقۇلوۆ اشىپ، جۇرگىزىپ وتىردى.
كۇن تارتىبىندەگى العاشقى ماسەلە بويىنشا ءسوز العان تاريح عىلىمدارىنىڭ كانديداتى، وقمپۋ-ڭ «رۋحاني جاڭعىرۋ» ورتالىعىنىڭ باسشىسى قايرات اناربايەۆ جولداۋ جايلى بايانداما جاسادى. وندا قاسىم-جومارت توقايەۆتىڭ العاشقى جولداۋى ەلباسى باستامالارىنىڭ جالعاسى ەكەندىگىنە توقتالىپ، ەرەكشەلىكتەرىمەن ءبولىستى.
سونداي-اق، سايرام اۋداندىق ارداگەرلەر كەڭەسىنىڭ ءتوراعاسى الىبەك باينازار، وبلىستىق ارداگەرلەر كەڭەسى ءتوراعاسىنىڭ ورىنباسارى كەنجەحان تولەبايەۆ، ەڭبەك ارداگەرلەرى ابدىشۇكىر ساپاربەكوۆ پەن مالىك مۇراتبەك ۇلى جارىسسوزگە شىعىپ، ۇسىنىس-پىكىرلەرىن ورتاعا سالدى. ءسوز سوڭىندا جولداۋدى ەل ىشىندە جان-جاقتى ناسيحاتتاۋ ماقساتىندا قاۋلى قابىلداندى.
وبلىستىق ارداگەرلەر كەڭەسىنىڭ ءتوراعاسى جەڭىسبەك ماۋلەنقۇلوۆ ۋاقىت تالابىنىڭ قاجەتتىلىگىنە قاراي تۇركىستان وبلىستىق ارداگەرلەر كەڭەسى جانىنان «اكەلەر مەكتەبىن» قۇراتىندىعىن حابارلاي كەلىپ، كوپشىلىككە «اكەلەر مەكتەبىنىڭ» ەرەجەسى تانىستىرىلىپ، ماقساتى مەن مىندەتى ايتىلدى.
ارداگەرلەر بۇل باستامانى قولدايتىندىعىن جەتكىزىپ، ويلارىن ورتاعا سالدى. «اكەلەر مەكتەبى» اشىلسا، وتباسىلىق قۇندىلىقتار ساقتالىپ، الداعى ۋاقىتتا جاسوسپىرىمدەر اراسىنداعى قۇقىق بۇزۋشىلىقتىڭ الدىن الۋعا سەپ بولماق.
تۇركىستان وبلىسى اكىمىنىڭ باسپا ءسوز قىزمەتى
