Jospar óte úlken ári aýqymdy, onda 115 is-shara bar. Sonyń arasynda kásipkerlikti damytý, aýyl sharýashylyǵyn, qurylys, týrzimdi, TKSh-ny damytý boiynsha baǵyttar bar.
Parlament Májilisiniń jalpy otyrysynda «Qazaqstan Respýblikasynyń keibir konstitýtsiialyq zańdaryna Qazaqstan Respýblikasynyń ákimshilik-aýmaqtyq qurylysy máseleleri boiynsha ózgerister engizý týraly» zań jobasy birinshi oqylymda maquldandy.
«Memleket basshysynyń Jarlyǵyna sáikes, Shymkent qalasy respýblikalyq mańyzy bar shahar sanatyna jatqyzyldy. Ońtústik Qazaqstan oblysy ataýy Túrkistan oblysy dep ózgertildi jáne onyń ákimshilik ortalyǵy Shymkent qalasynan Túrkistan qalasyna kóshirildi. Konstitýtsiialyq zań jobasymen «Qazaqstan Respýblikasynda sailaý týraly» jáne «Qazaqstan Respýblikasynyń sot júiesi men sýdialarynyń mártebesi týraly» konstitýtsiialyq zańdarǵa ózgerister engizý kózdelgen», — dedi QR Ulttyq ekonomika birinshi vitse-ministri Rýslan Dálenov.
Onyń sózine qaraǵanda, atalǵan zań jobasyn qabyldaý zańnamalyq aktilerdiń respýblikalyq mańyzy bar qalalarǵa qatysty normalaryn Shymkent qalasyna da qoldanýǵa múmkindik beredi.
Budan buryn Elbasy Túrkistandy damytýdyń negizgi baǵyttaryn ataǵan bolatyn. Prezidenttiń aitýynsha, Túrkistan oblysynyń karjylyq turaqtylyǵyn kúsheitý kerek. Sebebi Shymkent respýblikalyq mańyzy bar qala retinde bólinip ketti. Oǵan qosa, 2,8 million halyqtyń 1 milliony sol qalada turady.
«Biýdjetter bólindi. Sondyqtan Túrkistan oblysynyń biýdjetin tolyqtyrý qajet. Búgingi tańda oblys biýdjeti qajettiliginiń 20 protsenti ǵana óz kúshimen qamtamasyz etiledi. Ol - óte az. Sondyqtan jańa rezervterdi, biýdjetti tolyqtyrýdyń jańa kózderin tabý qajet», - degen edi N.Nazarbaev Túrkistandy damytýǵa arnalǵan keńeste.
