جوسپار ٶتە ٷلكەن ەرٸ اۋقىمدى, وندا 115 ٸس-شارا بار. سونىڭ اراسىندا كەسٸپكەرلٸكتٸ دامىتۋ, اۋىل شارۋاشىلىعىن, قۇرىلىس, تۋرزيمدٸ, تكش-نى دامىتۋ بويىنشا باعىتتار بار.
پارلامەنت مەجٸلٸسٸنٸڭ جالپى وتىرىسىندا «قازاقستان رەسپۋبليكاسىنىڭ كەيبٸر كونستيتۋتسييالىق زاڭدارىنا قازاقستان رەسپۋبليكاسىنىڭ ەكٸمشٸلٸك-اۋماقتىق قۇرىلىسى مەسەلەلەرٸ بويىنشا ٶزگەرٸستەر ەنگٸزۋ تۋرالى» زاڭ جوباسى بٸرٸنشٸ وقىلىمدا ماقۇلداندى.
«مەملەكەت باسشىسىنىڭ جارلىعىنا سەيكەس, شىمكەنت قالاسى رەسپۋبليكالىق ماڭىزى بار شاھار ساناتىنا جاتقىزىلدى. وڭتٷستٸك قازاقستان وبلىسى اتاۋى تٷركٸستان وبلىسى دەپ ٶزگەرتٸلدٸ جەنە ونىڭ ەكٸمشٸلٸك ورتالىعى شىمكەنت قالاسىنان تٷركٸستان قالاسىنا كٶشٸرٸلدٸ. كونستيتۋتسييالىق زاڭ جوباسىمەن «قازاقستان رەسپۋبليكاسىندا سايلاۋ تۋرالى» جەنە «قازاقستان رەسپۋبليكاسىنىڭ سوت جٷيەسٸ مەن سۋديالارىنىڭ مەرتەبەسٸ تۋرالى» كونستيتۋتسييالىق زاڭدارعا ٶزگەرٸستەر ەنگٸزۋ كٶزدەلگەن», — دەدٸ قر ۇلتتىق ەكونوميكا بٸرٸنشٸ ۆيتسە-مينيسترٸ رۋسلان دەلەنوۆ.
ونىڭ سٶزٸنە قاراعاندا, اتالعان زاڭ جوباسىن قابىلداۋ زاڭنامالىق اكتٸلەردٸڭ رەسپۋبليكالىق ماڭىزى بار قالالارعا قاتىستى نورمالارىن شىمكەنت قالاسىنا دا قولدانۋعا مٷمكٸندٸك بەرەدٸ.
بۇدان بۇرىن ەلباسى تٷركٸستاندى دامىتۋدىڭ نەگٸزگٸ باعىتتارىن اتاعان بولاتىن. پرەزيدەنتتٸڭ ايتۋىنشا, تٷركٸستان وبلىسىنىڭ كارجىلىق تۇراقتىلىعىن كٷشەيتۋ كەرەك. سەبەبٸ شىمكەنت رەسپۋبليكالىق ماڭىزى بار قالا رەتٸندە بٶلٸنٸپ كەتتٸ. وعان قوسا, 2,8 ميلليون حالىقتىڭ 1 ميلليونى سول قالادا تۇرادى.
«بيۋدجەتتەر بٶلٸندٸ. سوندىقتان تٷركٸستان وبلىسىنىڭ بيۋدجەتٸن تولىقتىرۋ قاجەت. بٷگٸنگٸ تاڭدا وبلىس بيۋدجەتٸ قاجەتتٸلٸگٸنٸڭ 20 پروتسەنتٸ عانا ٶز كٷشٸمەن قامتاماسىز ەتٸلەدٸ. ول - ٶتە از. سوندىقتان جاڭا رەزەرۆتەردٸ, بيۋدجەتتٸ تولىقتىرۋدىڭ جاڭا كٶزدەرٸن تابۋ قاجەت», - دەگەن ەدٸ ن.نازارباەۆ تٷركٸستاندى دامىتۋعا ارنالعان كەڭەستە.
