Qazirgi tańda kásiporyn kórshi oblystardy da un ónimderimen qamtı bastady. Táýligine 20 tonna nan ónimderin óndiretin kásiporynda búginde 50 adam turaqty jumyspen qamtylǵan. Budan buryn kásiporynǵa arnaıy barǵan Janseıit Túımebaev keleshekte ónim kólemin odan ári arttyryp, negizgi qýattylyqqa jetýdi júktegen bolatyn.
Zaýyt 2016-2017 jyldyń aralyǵynda 287654 myń teńgeniń ónimin óndirgen eken. Sondaı-aq bul zaýytta et ónimderinen shujyqtyń 8 túri óndiriledi. Ol úshin zaýyt arnaıy mal bordaqylaıtyn alańyn qurypty.
«Qazirgi tańda zaýyt toqtaýsyz jumys istep tur. Ónimderimizge suranys mol. Negizinen Túrkistan qalasy men kórshi Qyzylorda oblysynyń birqatar aýdandaryn un ónimderimen qamtyp otyrmyz», - dedi «Iassy nan» JSHS-niń bas dırektory Nasıba Ataeva.
«Túrkistan qalasynda atqarylyp jatqan jumystar az emes. Desek te, kásipkerlik nysandardyń qataryn arttyryp, jumyssyzdyqty azaıtý máseleleri nazardan tys qalmaýy tıis. Aýdan basshylarynyń jumysy sonda ǵana nátıjeli bolady», - degen edi óz kezeginde Janseıit Qanseıituly.
