Kásipodaqtar qaýymdastyǵynyń tóraǵasy, quryltai múshesi Satybaldy Dáýletálinniń aitýynsha Toqaevtyń tusynda tolyq ózgerip, jańadan jasaqtalatyn memapparat qoǵammen qoiyn-qoltyq jumys istep úirenýi qajet.
Halyqpen shynaiy pikirlesip, kemshiligi bolsa jasyrmaityn, artyqshylyǵyn asyryp aitpaityn sheneýnikterdiń shoǵyryn qalyptastyrǵan mańyzdy.
Sói degen Dáýletálin:
«Ótken jyldary memleket pen qoǵam arasyndaǵy ózara is-qimyl áleýetiniń iske asyrylmaýy azamattar úshin de, bilik úshin de belgili bir problemalar týǵyzǵany anyq.
Búginde bilik ikemdi bolýǵa, qoǵamda bolyp jatqan úderisterge jedel den qoiýǵa, sol arqyly endi azamattyq qoǵamǵa qarsy shyqpai, onymen úilesimdi bolýǵa tyrysýda. Qundylyqtar «memleket adam úshin» deitin asa mańyzdy qaǵidanyń paidasyna ózgerýde», - dep atap ótti.
Onyń aitýynsha, memlekettik basqarý máselesi bilik pen azamattardyń áriptestik máselesine ainalyp barady.
«Qoǵamdy bir judyryqqa jumyldyrý anaý aitqandai ońai sharýa emes. Qańtar oqiǵasynan keiin prezident Toqaevtyń aldynda memlekettilikti nyǵaitý mindeti tur. Túrkistanda ótetin kelesi Quryltaida osy máseleni jan-jaqty talqylaýǵa tiispiz.
Al azamattyq qoǵam aiaǵynan turyp, tolyq qalyptaspaiynsha Ádiletti Qazaqstandy qurý múmkin emes. Qoǵam belsendi bolǵan jerde bilik árbir sheshimge jaýappen qaraityn bolady.
Bul baǵyttaǵy basty qadamdardyń biri – halyq pen bilik arasyndaǵy keri bailanysty qamtamasyz etetin organ retinde Ulttyq Quryltaidyń qurylýy ekeni sózsiz.
Ulttyq Quryltaidyń qurylýy «bilik – qoǵam – azamat» paradigmasyndaǵy qarym-qatynastardy sapaly, jańa deńgeige kóterý, olardy tiimdi jáne nátijeli etý mindetin qoiyp otyr», – deidi sarapshy.
Dáýletálin paiymdaýynsha halyq prezident Toqaevtyń kontseptsiiasynyń tóńiregine toptasýǵa ázir. «Estitin úkimet», «Ádiletti Qazaqstan» sekildi ustanymdar eldiń kóńilin shyǵyp, halyqtyń kókeiindegi tilekti tap basqan.
«Eń mańyzdy áleýmettik-saiasi máselelerdi sheshýde qoǵamnyń kelisimi bolmaǵan jaǵdaida memleket pen azamattyq qoǵamnyń kúshterin biriktirý múmkin emes, tutastai alǵanda memlekettiń progressivti jáne qarqyndy damýy múmkin emes», – dep deidi Kásipodaqtar qaýymdastyǵynyń tóraǵasy.
DALANEWS ANYQTAMASY:
Prezident Qasym-Jomart Toqaev basqaratyn bul organ azamattyq qoǵamnyń ózekti máselelerin sheshýge arnalǵan.
Onyń músheleriniń qatarynda saiasi jáne qoǵam qairatkerleri, elimizdiń barlyq óńirleriniń belsendileri, sonyń ishinde etnikalyq jáne dini azshylyq ókilderi, kásipkerler, mádeniet qairatkerleri, saiasatkerler, zańgerler jáne basqa da kóptegen adamdar bar.
Bulardyń barlyǵy quryltaiǵa kelisim boiynsha qatysyp otyr, birin-biri almastyrady. Uiymda tek tórt adam ózgerissiz qalady. Quryltaidyń tóraǵasy – respýblika prezidenti Qasym-Jomart Toqaev. Onyń eki orynbasary bar.
Birinshi orynbasary eks- Prezidenttiń kómekshisi jáne eks-Memlekettik hatshy QR Memlekettik keńesshisi bolyp taǵaiyndalǵan Erlan Qarin. Memlekettik keńesshiniń jańa laýazymynda ol Prezidentke tolyq esep beredi jáne baqylaidy, onyń múddelerin bildiredi jáne Prezident úshin ishki saiasat salasyndaǵy strategiialyq usynystardy tujyrymdaidy.
Ekinshi orynbasary - Bibigúl Jeksenbai, "Bas redaktorlar klýby" respýblikalyq qoǵamdyq birlestiginiń Prezidenti, elimizge bilgili jýrnalist.
2016 jyldan bastap ol Toqaev Prezident bolǵanǵa deiin jáne Qazaqstan Parlamenti Senatynyń (joǵarǵy palatasynyń) tóraǵasy qyzmetin atqarǵanǵa deiin Kemelulynyń qoǵammen bailanys jónindegi keńesshisi qyzmetin atqardy.
