Túrkistan oblysy tarihi jáne mádeni muraǵa bai. Oblys aýmaǵynda 1780 tarihi jáne mádeni eskertkishi ornalasqan. Onyń ishinde 1 halyqaralyq mańyzy bar nysan – Qoja Ahmet Iasaýi kesenesi, 40 respýblikalyq mańyzy bar eskertkish, 403 jergilikti mańyzy bar eskertkish jáne 1336 aldyn ala tizimdegi nysan bar, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysy ortalyǵynda ornalasqan Qoja Ahmet Iasaýi kesenesi – tarihi mańyzdylyǵyna orai IýNESKO-nyń álemdik mádeni muralar tizimine engizilgen halyqaralyq mańyzy bar biregei sáýlet týyndysy.
Biyl 9 aidyń qorytyndysymen tarihi oryndarǵa 733,7 myń adam kelgen. Atap aitqanda, «Áziret Sultan» ulttyq tarihi-mádeni mýzei-qoryǵyna kelýshiler sany 535,2 myńdy qurasa, «Otyrar» qoryq-mýzeiin 201,5 myń azamat tamashalaǵan.
Aita keteiik, Túrkistan oblysyndaǵy týrizm salasyn damytý baǵytynda Jol kartasy ázirlendi. Jol kartasynda týristik nysandardaǵy infraqurylymdy jetildirý, qyzmet kórsetý sapasyn arttyrý, marketing jumystaryn kúsheitý, aýdan, qala ákimdikteriniń jumysyn jandandyrý qarstyrylǵan.
