Tamyz keńesi – bilim salasyndaǵy jetistiktermen qatar kemshin tustardy da tarazylaityn dástúrli jiyn. Búgin Túrkistan oblysynyń bilim berý salasy qyzmetkerleriniń «DIGITAL KAZAKHSTAN: Jańa zamandaǵy bilim berý» taqyrybyndaǵy oblystyq tamyz pedagogikalyq keńesi ótti. Dástúrli tamyz keńesinde Túrkistan oblysynyń ákimi Darhan Satybaldy arnaiy qatysyp, jańa oqý jylynyń bastalýyna sáttilik tiledi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Sizderdi jańa oqý jylynyń bastalýymen shyn júrekten qutttyqtaimyn! Búgingi dástúrli Tamyz keńesiniń ataýy da beker emes. Sebebi álem tsifrlandyrý kezeńinen jasandy intellekt nemese adamnyń oilaý qabiletin kompiýterlik júielermen modeldeý dáýirine ótýde. Memleket basshysy Qasym-Jomart Kemeluly alǵashqy respýblikalyq pedagogter sezinde bilim berý úderisin tsifrlandyrýda jedeldik kerektigine arnaiy toqtaldy. Osy mańyzdy basqosýda oblystyń bilim salasyna bei-jai qaramaityn úlken akademikter men ekspertterdi jáne bilim salasynyń úzdikterin, mártebeli ustazdarymyzdy tórimizden kórgenime qýanyshtymyn. Balany buzýǵa, túzeýge sebep bolatyn bir shart – búldirshin kezden bastap kórgen tárbiesimen ónegesi. Táýelsizdigimizdiń tuǵyrly bolyp, elimizdiń bolashaǵynyń jarqyn bolýy bizdiń búgingi adal eńbegimizge bailanysty. Barshańyzdy birlikte kúsh qosyp, bala oqytýdan kesh qalmaýǵa shaqyramyn, – degen oblys ákimi birqatar ustazdardy marapatty.
Tamyz sammitinde 10 ustazǵa QR Oqý-aǵartý ministrliginiń «Y.Altynsarin» tósbelgisi tabystalyp, oblys ákiminiń atynan 10 pedagog marapattaldy. Tamyz keńesinde oblys ákiminiń orynbasary Beisenbai Tájibaev moderatorlyq etti. Pleanarlyq otyrysqa 1000-ǵa jýyq bilim salasynyń qyzmetkerleri kelip, 20 myńnan astam pedagog onlain tamashalady.
Dástúrli tamyz keńesine QR Oqý-aǵartý ministrligi Bilim salasynda sapany qamtamasyz etý komiteti tóraǵasynyń orynbasary Maira Turǵanbaiqyzy, ǵalym, pedagogika salasynyń doktory Asqarbek Hýsainov, memleket jáne qoǵam qairatkeri Juldyz Omarbekova, bilim-innovatsiia Halyqaralyq qoǵamdyq qorynyń prezidenti Óte Darhan, Abai atyndaǵy Ulttyq pedagogikalyq ýniversitetiniń rektory Tilep Bolat qonaq retinde keldi.
Pedagog kadrlardy qalyptastyrý jaiy da mańyzdy. Ótken jyly oblys ustazdary shetelderde jáne elimizdiń jetekshi joǵary oqý oryndarynda muǵalimder biliktiligin kóterdi. QR Oqý-aǵartý ministrliginiń mektepterdiń infraqurylymyn jaqsartý, pedagog bilimin kóterý jónindegi tapsyrmalary oryndalýda. Sonymen birge bilim mekemelerin basqarýǵa iriktelgen kadrlyq rezerv jasaqtaý baǵytynda da jumys júrgiziledi.
Oblystaǵy orta bilim berý uiymdarynyń jelisi 1060-qa artty. Oqýshylardyń boljamdy kontingenti 530 000, onyń ishinde 1-synypqa qabyldanatyn balalar sany – 52 593. Aimaqtyń bilim salasynda 65 762 pedagog qyzmet etedi. Jańa oqý jylynda memlekettik 910 mekteptegi 220 920 oqýshy birrettik ystyq tamaqpen qamtamasyz etiledi. Túrkistan oblysyndaǵy bilim berý uiymdaryna jańa oqý jyly qarsańynda 62 mektepke 265 arnaiy pán kabinetteri alynady. 2024-2025 oqý jylynda 17 081 oqýshy tasymaldanady. Oqýshylardy tasymaldaýǵa jańadan alynǵan 101 avtobýs qyzmet kórsetedi. Qalǵan 65 mekteptegi qyzmet túri kelisim-shart negizde júrgizilýde.
