Atap aitqanda, Túrkistan oblysy ákimdigi men Iran, Túrkiia, Chehiia, Resei, BAÁ, Malaiziia, Italiia, Polsha, Qytai memleketteriniń investorlary arasynda kelisimder jasaldy.
Túrkistan oblysynyń ákimi Janseiit Túimebaev Irannyń «Ardabil Petrochemical Co» kompaniiasymen jalpy quny 205 mln. dollardy quraityn Onkologiialyq ortalyq pen munai óńdeý zaýytyn salý jóninde memorandýmǵa qol qoidy. Sonymen qatar, qytailyq «Changchun Longyuan Power Equipment Co. LTD» kompaniiasymen Energetikalyq qurylǵylar men buiymdar jasaý jóninde quny 648 mln. AQSh dollary kólemindegi ýaǵdalastyqqa qol jetkizildi. Al Reseidiń «Green Land Alatau» JShS-i 180 mln. AQSh dollaryna jylyjai kesheniniń qurylysyn júrgizetin boldy.
Forým barysynda túzilgen memorandýmqa sáikes, qytailyq «Shanghai Lianfu New Energy Science & Technology Group» kompaniiasymen 340 mln. AQSh dollaryna kún energiiasymen júretin elektoavtobýstar shyǵaratyn zaýyt qurylysyn salý boiynsha kelisim túzildi. Sondai-aq, Týrkiiadan kelgen «Dogus Insaat ve Ticaret A.S.» óndiris orny jalpy quny 100 mln. AQSh dollaryna infraqurylym salasyndaǵy jobalardy júzege asyrýda áriptestik tanytsa, irandyq «Faradid Meehan» kompaniiasy 5 mln. AQSh dollaryna kirpish zaýytynyń qurylysyn júrgizetin boldy.
Túrkistan oblysyna investitsiia tartyp, týrizm salasyn túletýge baǵyttalǵan halyqaralyq jiynda qytailyq «Jiangsu Huale Electric Co., ltd» kompaniiasy qýattylyǵy 50 mVt-tyq Kún elektr stantsiiasynyń qurylysyna 50 mln. AQSh dollaryn baǵyttaityn bolyp kelisildi. Al Chehiiadan kelgen «AGRAS zelatovice a.s.» uiymy 20 mln. AQSh dollaryna aq júgerini qaita óńdeitin zaýyt salatyn boldy.
Forým nátijesinde Qytai elinen kelgen «Chery Commercial Vehicle.,LTD» kontserni jalpy quny 20 mln. AQSh dolllaryna avtokólik shyǵaratyn zaýyt qurylysyn júrgizse, qytailyq «Hýavei Tehnolodjiz Kazahstan» kompaniiasy Túrkistanda «Aqyldy qala» jobasy boiynsha yntymaqtastyq tanytýda 10 mln. AQSh dollar kóleminde investitsiia salatyn boldy. Al polshalyq «FCA» uiymy 1 mln. AQSh dollaryna talshyqty-optikalyq symdar jáne jelilik qurylǵylar óndiretin zaýyt qurylysyn júrgizbek. Sonymen birge, reseilik Eýraziialyq bank Túrkistan oblysynda investitsiialyq jobalarǵa yntymaqtastyq tanytatyn bolsa, Birikken Arab Ámirliginen kelgen «Al-Masood» kompaniiasy óńirde týrizm salasyn damytýda áriptestik jasamaq.
Atalǵan investorlar aldaǵy ýaqytta Túrkistan qalasy men oblys aýmaǵynda óz jumystaryn bastaidy. Nátijesinde aimaqta aýyl sharýashylyǵy, infraqurylym, týrizm men jeńil ónerkásip órkendep, óńirde jańa óndiris oryndary ashylmaq.
Túrkistan oblysy ákiminiń baspasóz qyzmeti
