Túrkistanda «Ónerli ólke» oblystyq óner festivali aiasynda ulttyq salt-dástúrler men ádet-ǵurypty, ulttyq oiyndardy nasihattaý keńinen qolǵa alyndy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jetisai aýdandyq aýdandyq mádeniet, tilderdi damytý, dene shynyqtyrý jáne sport bóliminiń uiymdastyrýymen qazaq kúresi men qol kúresi, asyq atý men arqan tartý, sadaq atý men bilekti de júrekti jigitterdiń arasynda qoshqar kóterý, gir tasyn kóterý syndy ulttyq sport túrlerinen saiystar uiymdastyrylyp, jeńimpazdarǵa qarjylai jáne baǵaly syilyqtar, arnaiy medaldar men diplomdar tabys etildi.
Etnoaýyl aýmaǵynda ótken sporttyq saiystardy jergilikti turǵyndarmen qatar shet elderden kelgen týrister de tamashalap, elimizdiń atadan balaǵa mura bolyp amanattalyp kele jatqan ulttyq sporttyq oiyndarynyń naǵyz jaýyngerlik jattyǵý, áskeri daiyndyq ekenin aityp, joǵary baǵalaryn berdi.
Túrkistan, Kentaý qalalarymen qatar Otyrar, Báidibek, Jetisai, Sairam, Abai, Sháýildir, Sozaq aýdandarynyń turǵyndary qatysqan sporttyq oiyndarda qazaq kúresinen 20 palýannyń ishinde III oryn alǵan kentaýlyq palýan Jamalhan Nurhan 100 myń teńgege, Il orynǵa taban tiregen túrkistandyq Ábdiǵai Beibarys 200 myń teńgege, al, I oryndy ielenip, «Túie palýan» atanǵan túrkistandyq palýan Hamza Didar 300 myń teńgege ie bolsa, 72 kelilik qoshqardy belgilengen 3 minýtta 52 ret kótergen Oralhan Derbes jeńimpaz atanyp, júldesine qoshqardy utyp aldy.
Gir tasyn kóterýde III oryn túrkistandyq J.Maratulynyń, II oryn jetisailyq A.Poshaevtyń, I oryn sozaqtyq B.Jańabaevtyń enshilerine buiyrsa, Sadaq atýdan túrkistandyq Ramazan Batyrjan, Otyrarlyq Baýyrjan Seitjapparov jáne jetisailyq Marat Abýov ózara júldelerdi bólisti.
Sporttyń qol kúres túrinen +70 keli salmaqta Sháýildir, Jetisai aýdandary men Túrkistan qalasynyń, 65 keli salmaqta jetisailyq jigitterdiń mereii ústem boldy.
