Almatyda ótip jatqan sot protsesinde «KazTAG» agenttiginiń bas redaktory Amir Kasenov densaýlyǵynyń kúrt nasharlaǵanyn aityp, ózine eki kún ǵana ómir qalǵanyn málimdedi, dep habarlaidy dalanews.kz.
Onlain rejimde sotqa qosylǵan jýrnalist óziniń sot zalyna jetkizýdi suraǵanyn, alaida ótinishi oryndalmaǵanyn aitty. Onyń sózinshe, sońǵy tilegi – jubaiyn kórý.
«Óler aldyndaǵy sońǵy tilegim – áielimdi kórý. Maǵan eki kún ǵana qaldy. Meniń jaǵdaiym sizderdiń zańsyz sheshimderińizge bailanysty», – dedi Amir Kasenov sot barysynda.
Jýrnalist buǵan deiin de ózin qamaýǵa alý týraly sheshimge qarsylyq bildirip, qurǵaq ashtyq jariialaǵan bolatyn. Ol tiridei sottalýǵa kelispeitinin aityp, «erteń meniń máiitimdi sottaýǵa týra keledi» degen málimdeme jasaǵan.
Amir Kasenov bastapqyda úiqamaqta bolǵan. Alaida sot onyń áleýmettik jelilerde birneshe videoúndeý jariialaǵanyn jáne protsess talaptaryn buzǵanyn negizge alyp, bultartpaý sharasyn qamaýǵa aýystyrdy. Sot málimetinshe, ol 2 jáne 15 maýsymda internette óz isine qatysty úndeý jasaǵan, sondai-aq 11 maýsymdaǵy sot otyrysyna kelmegen.
Buǵan deiin Májilis depýtaty Murat Ábenov bul daýdyń mánin túsinbeitinin aityp, taraptardy mediatsiia arqyly ymyraǵa kelýge shaqyrǵan edi. Onyń pikirinshe, mundai iste bedel men qoǵamdyq senim bárinen mańyzdy.
Qazirgi tańda jýrnalistiń jaǵdaiy alańdaýshylyq týǵyzyp otyr. Advokattar onyń densaýlyǵynyń nasharlaǵanyn aityp, bultartpaý sharasyn ózgertýdi talap etýde. Keiinirek onyń tergeý izoliatorynan aýrýhanaǵa jetkizilgeni belgili boldy.
Kasenovke qatysty qylmystyq is Freedom Finance kompaniiasynyń aryzynan keiin qozǵalǵan. Bas redaktor taǵylǵan aiyptardy moiyndamaidy jáne isti óziniń kásibi qyzmetimen bailanystyryp keledi.
