الماتىدا ٶتٸپ جاتقان سوت پروتسەسٸندە «كازتاگ» اگەنتتٸگٸنٸڭ باس رەداكتورى امير كاسەنوۆ دەنساۋلىعىنىڭ كٷرت ناشارلاعانىن ايتىپ, ٶزٸنە ەكٸ كٷن عانا ٶمٸر قالعانىن مەلٸمدەدٸ, دەپ حابارلايدى dalanews.kz.
ونلاين رەجيمدە سوتقا قوسىلعان جۋرناليست ٶزٸنٸڭ سوت زالىنا جەتكٸزۋدٸ سۇراعانىن, الايدا ٶتٸنٸشٸ ورىندالماعانىن ايتتى. ونىڭ سٶزٸنشە, سوڭعى تٸلەگٸ – جۇبايىن كٶرۋ.
«ٶلەر الدىنداعى سوڭعى تٸلەگٸم – ەيەلٸمدٸ كٶرۋ. ماعان ەكٸ كٷن عانا قالدى. مەنٸڭ جاعدايىم سٸزدەردٸڭ زاڭسىز شەشٸمدەرٸڭٸزگە بايلانىستى», – دەدٸ امير كاسەنوۆ سوت بارىسىندا.
جۋرناليست بۇعان دەيٸن دە ٶزٸن قاماۋعا الۋ تۋرالى شەشٸمگە قارسىلىق بٸلدٸرٸپ, قۇرعاق اشتىق جارييالاعان بولاتىن. ول تٸرٸدەي سوتتالۋعا كەلٸسپەيتٸنٸن ايتىپ, «ەرتەڭ مەنٸڭ مەيٸتٸمدٸ سوتتاۋعا تۋرا كەلەدٸ» دەگەن مەلٸمدەمە جاساعان.
امير كاسەنوۆ باستاپقىدا ٷيقاماقتا بولعان. الايدا سوت ونىڭ ەلەۋمەتتٸك جەلٸلەردە بٸرنەشە ۆيدەوٷندەۋ جارييالاعانىن جەنە پروتسەسس تالاپتارىن بۇزعانىن نەگٸزگە الىپ, بۇلتارتپاۋ شاراسىن قاماۋعا اۋىستىردى. سوت مەلٸمەتٸنشە, ول 2 جەنە 15 ماۋسىمدا ينتەرنەتتە ٶز ٸسٸنە قاتىستى ٷندەۋ جاساعان, سونداي-اق 11 ماۋسىمداعى سوت وتىرىسىنا كەلمەگەن.
بۇعان دەيٸن مەجٸلٸس دەپۋتاتى مۇرات ەبەنوۆ بۇل داۋدىڭ مەنٸن تٷسٸنبەيتٸنٸن ايتىپ, تاراپتاردى مەدياتسييا ارقىلى ىمىراعا كەلۋگە شاقىرعان ەدٸ. ونىڭ پٸكٸرٸنشە, مۇنداي ٸستە بەدەل مەن قوعامدىق سەنٸم بەرٸنەن ماڭىزدى.
قازٸرگٸ تاڭدا جۋرناليستٸڭ جاعدايى الاڭداۋشىلىق تۋعىزىپ وتىر. ادۆوكاتتار ونىڭ دەنساۋلىعىنىڭ ناشارلاعانىن ايتىپ, بۇلتارتپاۋ شاراسىن ٶزگەرتۋدٸ تالاپ ەتۋدە. كەيٸنٸرەك ونىڭ تەرگەۋ يزولياتورىنان اۋرۋحاناعا جەتكٸزٸلگەنٸ بەلگٸلٸ بولدى.
كاسەنوۆكە قاتىستى قىلمىستىق ٸس Freedom Finance كومپانيياسىنىڭ ارىزىنان كەيٸن قوزعالعان. باس رەداكتور تاعىلعان ايىپتاردى مويىندامايدى جەنە ٸستٸ ٶزٸنٸڭ كەسٸبي قىزمەتٸمەن بايلانىستىرىپ كەلەدٸ.
