Áleýmettik jelide Túrkistan oblysy Sozaq aýdanyna qarasty Kóktóbe aýylyndaǵy mektepten túsirilgen video qyzý talqyǵa tústi. Kadrlarda bilim ordasynyń qyzmetkerleri qabyrǵany qyryp, syrlaý jumystaryna qatysyp júrgeni baiqalady, dep habarlaidy dalanews.kz.
Atalǵan videodan keiin kópshilik arasynda “jóndeý jumystaryna bólingen qarjy qaida jumsaldy?”, “merdiger uiymdar qaida?”, “tehnikalyq qyzmetkerler qurylysshylardyń jumysyn atqaryp júr me?” degen suraqtar týyndady.
Osyǵan bailanysty Sozaq aýdandyq bilim bólimi túsinikteme berdi.
Vedomstvonyń málimetinshe, videoda kórsetilgen jumystar mektepti jańa oqý jylyna daiyndaý aiasynda júrgizilip jatqan josparly shara.
“Mekteptiń tehnikalyq qyzmetkerleri ózderiniń laýazymdyq mindetteri sheńberinde usaq jóndeý, retke keltirý, tazalyq saqtaý jáne abattandyrý jumystaryna qatysady. Bul jerde qurylys nemese kúrdeli jóndeý jumystary tehnikalyq qyzmetkerlerge júktelip otyrǵan joq”, - delingen habarlamada.
Bilim bóliminiń málimetinshe, qyzmetkerler qosymsha nemese artyq jumysqa tartylmaǵan. Olar barlyq jumys qoldanystaǵy eńbek talaptaryna sáikes júrgizilip jatqanyn málimdedi.
Sondai-aq mekeme ókilderi bilim berý uiymdarynyń negizgi mindetteriniń biri – oqýshylar úshin qaýipsiz ári qolaily orta qalyptastyrý ekenin atap ótti.
“Jańa oqý jylyna daiyndyq jumystary josparly túrde jáne zań talaptaryna sáikes júzege asyrylyp jatyr. Qoǵamdy naqty derekterge súienýge shaqyramyz”, - dep málimdedi bilim bólimi.
