Túrkistandaǵy eskek esý kanalyna sý jiberildi
Óz kezeginde Túrkistan oblysy ákimi Ómirzaq Shókeev atalǵan nysanǵa baryp, jumys barysymen tanysty. Búgingi tańda jer jumystary júrgizilgen. Betkeileriniń betondaý jumystary da aiaqtalyp keledi. Arnaiy qubyrlary men aryqtary ornatyldy. Sý keletin kanaldar daiyn. Qazir 250 myń tekshe metr sý jinalǵan, nysan sý qabyldaýǵa daiyn.
– Bul – óte aýqymdy joba. Sport keshenderi bar esý kanaly óńirde sý sportyn damytyp qana qoimai, týrizmniń gúldenýine de úles qosady. Ekinshiden, qalany kógaldandyrý, atmfosferasyn ózgertýde de kanaldaǵy sýdyń mańyzy zor, – dedi Ómirzaq Shókeev.
Óńir basshysy budan keiin jaýapty basshylarmen birge taǵy da birqatar qurylys nysanyn aralady. Halyqaralyq tennis ortalyǵyna bardy. Munda jumys qarqyndy júrip jatyr. Óndiristik kestege sáikes syrtqy árleý jumystary aiaqtalǵan. Syrtqy injenerlik jelileri tartylyp, ákimshilik ǵimaratynyń 1 jáne 2-qabattarynda ishki árleý jumystary júrgizilgen. Ákimshilik-iskerlik ortalyǵyndaǵy turǵyn úiler de óndiristik kestege sai salynyp jatyr. Iassy kóshesiniń boiyn abattandyrý, gúlzar salý da jalǵasýda.
Ómirzaq Shókeev 25 brigadaǵa arnalǵan oblystyq jedel járdem stantsiiasynda da boldy. Syrtqy árleý, injenerlik jeliler tartý jumystary márege taiaý. Abattandyrylý barysy da talapqa sai. Nysan 1-2 ai kóleminde tapsyrylmaq. Al Politsiia departamentiniń jedel basqarý ortalyǵynyń shatyry ornatylýda. 2 jáne 5 avtokólikke arnalǵan garaj, qoima ǵimarattary 80%-ǵa daiyn. Syrtqy injenerlik jelileri tartylǵan. Qural-jabdyqtar jetkizilýde.
Óńir basshysy jaýapty tulǵalarǵa qurylys nysandaryn sapaly ári óz ýaqytynda tapsyrý kerektigin eskertti. Óńirdegi áleýmettik jáne mańyzdy nysandardyń qurylysy jalǵasady.
