Túrkistanda eki balasyn tunshyqtyryp óltirgen anaǵa bailanysty jańa derekter paida boldy, dep habarlaidy Dalanews.kz.
Bul týraly IIM Ákimshilik politsiia komitetiniń erekshe tapsyrmalar jónindegi aǵa inspektory Aqmaral Serikbaeva Ortalyq kommýnikatsiialar qyzmetindegi dóńgelek ústelde málimdedi.
Onyń aitýynsha, qazirgi tańda bul oqiǵa boiynsha qylmystyq is qozǵalǵan. Sonymen qatar ministrlik tarapynan qatań baqylaýǵa alynǵan. Alaida ol zań boiynsha málimetter ázirge qupiia bolatynyn jetkizdi.
"Bul otbasynda turmystyq zorlyq-zombylyqqa bailanysty qylmystyq is boiynsha tergeý júrgizilip jatyr. Másele anyqtalatyn bolady. Otbasy tarapynan Qyzylorda men Túrkistan oblysynda turǵanda ishki ister organdaryna eshqashan shaǵym túspegen. Alaida áielder zorlyq-zombylyqqa kónip, aryz bermei júrýi de múmkin. Sondyqtan onyń bári qylmystyq isti tergeý barysynda tekseriledi" , - dedi ol.
Aǵa inspektor qylmystyq isti tergeý barysynda mundai jaittardyń bári sońyna deiin tyńǵylyqty qaralatynyn atap ótti. Onyń málimdeýinshe, qylmysty jasaýǵa otbasyndaǵy qiynshylyq nemese adam minezindegi psihikalyq aýytqý sebep bolady.
