تۇركىستاندا ەكى بالاسىن تۇنشىقتىرىپ ولتىرگەن اناعا بايلانىستى جاڭا دەرەكتەر پايدا بولدى، دەپ حابارلايدى Dalanews.kz.
بۇل تۋرالى ءىىم اكىمشىلىك پوليسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقمارال سەرىكبايەۆا ورتالىق كوممۋنيكاسيالار قىزمەتىندەگى دوڭگەلەك ۇستەلدە مالىمدەدى.
ونىڭ ايتۋىنشا، قازىرگى تاڭدا بۇل وقيعا بويىنشا قىلمىستىق ءىس قوزعالعان. سونىمەن قاتار مينيسترلىك تاراپىنان قاتاڭ باقىلاۋعا الىنعان. الايدا ول زاڭ بويىنشا مالىمەتتەر ازىرگە قۇپيا بولاتىنىن جەتكىزدى.
"بۇل وتباسىندا تۇرمىستىق زورلىق-زومبىلىققا بايلانىستى قىلمىستىق ءىس بويىنشا تەرگەۋ جۇرگىزىلىپ جاتىر. ماسەلە انىقتالاتىن بولادى. وتباسى تاراپىنان قىزىلوردا مەن تۇركىستان وبلىسىندا تۇرعاندا ىشكى ىستەر ورگاندارىنا ەشقاشان شاعىم تۇسپەگەن. الايدا ايەلدەر زورلىق-زومبىلىققا كونىپ، ارىز بەرمەي ءجۇرۋى دە مۇمكىن. سوندىقتان ونىڭ ءبارى قىلمىستىق ءىستى تەرگەۋ بارىسىندا تەكسەرىلەدى" ، - دەدى ول.
اعا ينسپەكتور قىلمىستىق ءىستى تەرگەۋ بارىسىندا مۇنداي جايتتاردىڭ ءبارى سوڭىنا دەيىن تىڭعىلىقتى قارالاتىنىن اتاپ ءوتتى. ونىڭ مالىمدەۋىنشە، قىلمىستى جاساۋعا وتباسىنداعى قيىنشىلىق نەمەسە ادام مىنەزىندەگى پسيحيكالىق اۋىتقۋ سەبەپ بولادى.
