Túrkistan oblysynyń ákimi Darhan Satybaldy Túrkiiadan kelgen investorlarmen kezdesti. Oblys ákimi ataqty B.B.NURA basshysy Fatih Ergezerm jáne VIAMEDIS basshysy Aset Ahmetov bastaǵan delegatsiiamen Túrkistan oblysyna densaýlyq saqtaý salasyna investitsiia tartý boiynsha birqatar jobalardy jan-jaqty talqylady, dep habarlaidy Dalanews.kz. Túrkistan oblysy ákiminiń baspasóz qyzmetine silteme jasap.
Taraptar 500 oryndyq reabilitatsiialyq ortalyǵy bar meditsinalyq keshen, sozylmaly búirek jetispeýshiliginen zardap shegetin naýqastardy emdeýmen ainalysatyn ambýlatorly dializ ortalyqtaryn ashý boiynsha talqylady. Barlyq ortalyqtar Amerika, Germaniia men Japoniiadan shyǵarylǵan jetekshi óndirýshilerdiń zamanaýi meditsinalyq qural-jabdyqtarmen jabdyqtalmaq. Sondai-aq túrik kompaniiasy memlekettik-jekemenshik negizde birqatar emhanalardy damytýǵa úles qosýǵa nietti. Oblys ákimi óz kezeginde, óńirge qajetti jobalar boiynsha investorlarǵa barynsha qoldaý kórsetiletinin aitty.
Memleket basshysy Qasym-Jomart Toqaevtyń tapsyrmasyna sáikes, «Aýyldyq densaýlyq saqtaýdy jańǵyrtý» Ulttyq pilottyq jobasy aiasynda oblys aýmaǵyndaǵy 49 meditsinalyq sanitarlyq alǵashqy kómek nysandarynyń qurylysy 2024 jylǵa josparlanǵan. Memleket basshysy Qazaqstan halqyna Joldaýynda meditsinalyq infraqurylymdy keshendi túrde jaqsartýǵa basa nazar aýdarý jáne sol maqsatta memleket pen jekemenshiktiń seriktestigin tiimdi paidalaný tapsyrylǵan bolatyn. Osy baǵytta jeke investor esebinen birneshe FAP qurylysy júrgizilýde. Sonymen qatar oblys aýmaǵynda jańa qurylysty qajet etetin 61 meditsinalyq nysandardy 2025-2026 jyldar aralyǵynda investitsiia tartý arqyly iske asyrý josparlanýda.
