Túrkistan oblysyndaǵy MÁMS júiesinde saqtandyrylǵan azamattardyń úlesin 2024 jyldyń qorytyndysymen 86%-ǵa jetkizý kózdelgen. Búgingi tańda mejege jetý baǵytynda arnaiy jumysshy top qurylyp, turaqty jumystar júrgizip keledi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysy ákiminiń orynbasary Beisenbai Tájibaevtyń tóraǵalyǵymen óńirlik shtab otyrysy ótti. Kún tártibinde Túrkistan oblysynyń «Otbasynyń tsifrlyq kartasy» boiynsha halyqty MÁMS júiesine tartý jumystary týraly, MÁMS júiesi úshin tólemdi turaqty tólemegen jeke kásipker jáne sharýa qojalyqtardyń esep shottaryn jabý máselesi, oblys turǵyndarynyń saqtandyrý sanatyna ótýi men MÁMS aiasynda meditsinalyq qyzmet alýdaǵy týyndap jatqan ózekti máseleler talqylandy.
Oblys ákiminiń orynbasary jumysty tiisti deńgeide atqarmaǵan aýdan, qalalardyń jaýapty basshylaryna eskertý aityp, jumysty jandandyrýdy júktedi.
– Mindetti áleýmettik meditsinalyq saqtandyrý júiesi tek qana meditsina salasy úshin emes, birinshi kezekte halyqtyń múddesi úshin qajet. Osy oraida, ultymyzdyń, bolashaǵymyzdyń densaýlyǵyn qorǵaý baǵytynda qarqyndy túrde birge jumys isteýimiz qajet, – degen Beisenbai Tájibaev jumysshy toptyń jumysyn júieleýdi, qoldaǵy málimetterdi ózektendirýdi tapsyrdy.
Jiynda oblystyq jumyspen qamtýdy úilestirý jáne áleýmettik baǵdarlamalar basqarmasy basshysynyń orynbasary Kúmiskúl Mirova «Otbasynyń tsifrlyq kartasynda» D jáne E sanattaǵy otbasylarynyń sanyn tómendetý boiynsha atqarylǵan jumystar barysyn baiandady. Onyń aitýynsha, daǵdarystyq jáne múshkil sanattaǵy otbasylardyń sanyn jyl sońyna deiin 6,3 %-ǵa tómendetý tapsyrylǵan. Tapsyrmany oryndaý maqsatynda oblysta birqatar jumys atqaryldy.
Atap aitqanda, Otbasynyń tsifrlyq kartasyndaǵy derekterdi ózektendirý júrgizý úshin oblys, aýdan, qalalar deńgeilerinde arnaiy jumysshy toptar quryldy. Jumys algoritmi bekitilip, sol boiynsha jumys júrgizilýde. OTsK-daǵy derekterdi ózektendirý boiynsha oqytý-seminarlary uiymdastyryldy. Jumysshy toptarmen OTsK-dan alynǵan tizimderge sáikes úime-úi aralaý, ár otbasynyń jinaqtalǵan baly boiynsha ózekti máselerdi qaraý, olardy eńserý baǵytynda jumystar júrgizilip jatyr.
Oblys boiynsha Áleýmettik meditsinalyq saqtandyrý qory usynǵan, MÁMS tólemderi júrgizilmegen D sanattaǵy jalpy 96 071 azamattyń tizimi óndelip, nátijesinde, 96 071 azamattyń 29 477-siniń sanaty «Eńbek rynogy» AAJ arqyly anyqtaldy. Olardyń ishinde, jumyssyzdyqqa tirkelip, baǵdarlamaǵa qatysqandar sany – 92, jumyssyzdyqqa tirkelmegeni – 29 246, jumyssyz retinde esepte turǵan azamattar sany – 139. Jumysshy toptarmen turǵylyqty mekenjailarynda tirkelmegen, tirkelgen mekenjailarynda uzaq merzimnen beri naqty turmaityn, beiresmi túrde jaqyn jáne uzaq shet memleketterde jumys istep jatqan, mektepke deiingi bilim uiymdaryna, mektepke, KjTO uiymdaryna barmaityndardyń tizimderi jasaqtalyp, ózektendirý jumystary júrgizilip jatyr.
Shtab otyrysy barysynda oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Ásiia Temirbaeva, Memlekettik kirister departamenti Óndiristik emes tólemder basqarmasynyń basshysy Meirambek Kókenov jáne «Áleýmettik meditsinalyq saqtandyrý qory» KEAQ Túrkistan oblysy boiynsha filialynyń direktory Baqyt Ismahanbetov óńir turǵyndaryn MÁMS júiesine qamtý boiynsha atqarylyp jatqan sharalar týraly baiandady.
