Ónertaný doktory, T.Júrgenov atyndaǵy Qazaq ulttyq óner akademiiasynyń professory, teatrtanýshy, «Qurmet» ordeniniń iegeri, qazylar alqasynyń tóraiymy Baqyt Nurpeiis festivaldiń joǵary deńgeide ótkenin tilge tiek etip, uiymdastyrýshylarǵa rahmetin aitty.
Qazaqstanda alǵash ret uiymdastyrylyp otyrǵan halyqaralyq kóshe teatrlary festivaline Qazaqstan, Túrkiia, Ózbekstan men Qyrǵyzstan elderinen kelgen úzdik 13 óner ujymy qatysty.
Alǵashqy kúni 9 óner ujymy, ekinshi kúni 4 óner ujymy óz qoiylymdaryn sahnalady. Halyqaralyq kóshe teatrlary festivaliniń qazylar alqasynyń quramynda sýretshi, stsenograf, Qazaqstannyń eńbek sińirgen qaitarkeri Baqyt Srailov, ónertaný kandidaty, Temirbek Júrgenov atyndaǵy Qazaq ulttyq óner akademiiasynyń professory Zýhra Islambaeva, ónertaný kandidaty, Qazaqstan Teatr synshylar birlestiginiń Vitse-prezidenti, Qazaqstan Teatr qairatkerler odaǵynyń tóralqa múshesi, Qazaqstan Jazýshylar odaǵynyń múshesi Muqan Amankeldi, M.Áýezov atyndaǵy Qazaq ulttyq drama teatrynyń qoiýshy rejisseri Aridash Ospanbaeva bar. Kásibi mamandardan quralǵan qazylar alqasy jiti qadaǵalap, tóreligin aitty. Festival qorytyndysyna sáikes barlyq qatysýshy ujymǵa qarjylai syilyq berildi.
Oblys ákimdiginiń qoldaýymen, oblystyq mádeniet jáne týrizm basqarmasynyń uiymdastyrýymen ótken festival maqsaty – jastardy otanshyldyqqa tárbieleý, kóshe teatrlarynyń rólin kóterý, belsendi qoǵamdyq baǵyt ustanýyna jaǵdai jasaý, túrkistandyqtar men rýhani astana qonaqtaryna mazmundy dúnieler usyný, mádenietti damytý.
