ونەرتانۋ دوكتورى، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسورى، تەاترتانۋشى، «قۇرمەت» وردەنىنىڭ يەگەرى، قازىلار القاسىنىڭ ءتورايىمى باقىت نۇرپەيىس فەستيۆالدىڭ جوعارى دەڭگەيدە وتكەنىن تىلگە تيەك ەتىپ، ۇيىمداستىرۋشىلارعا راحمەتىن ايتتى.
قازاقستاندا العاش رەت ۇيىمداستىرىلىپ وتىرعان حالىقارالىق كوشە تەاترلارى فەستيۆالىنە قازاقستان، تۇركيا، وزبەكستان مەن قىرعىزستان ەلدەرىنەن كەلگەن ۇزدىك 13 ونەر ۇجىمى قاتىستى.
العاشقى كۇنى 9 ونەر ۇجىمى، ەكىنشى كۇنى 4 ونەر ۇجىمى ءوز قويىلىمدارىن ساحنالادى. حالىقارالىق كوشە تەاترلارى فەستيۆالىنىڭ قازىلار القاسىنىڭ قۇرامىندا سۋرەتشى، سەنوگراف، قازاقستاننىڭ ەڭبەك سىڭىرگەن قايتاركەرى باقىت سرايلوۆ، ونەرتانۋ كانديداتى، تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسورى زۋحرا يسلامبايەۆا، ونەرتانۋ كانديداتى، قازاقستان تەاتر سىنشىلار بىرلەستىگىنىڭ ۆيسە-پرەزيدەنتى، قازاقستان تەاتر قايراتكەرلەر وداعىنىڭ ءتورالقا مۇشەسى، قازاقستان جازۋشىلار وداعىنىڭ مۇشەسى مۇقان امانكەلدى، م.اۋەزوۆ اتىنداعى قازاق ۇلتتىق دراما تەاترىنىڭ قويۋشى رەجيسسەرى اريداش وسپانبايەۆا بار. كاسىبي مامانداردان قۇرالعان قازىلار القاسى ءجىتى قاداعالاپ، تورەلىگىن ايتتى. فەستيۆال قورىتىندىسىنا سايكەس بارلىق قاتىسۋشى ۇجىمعا قارجىلاي سىيلىق بەرىلدى.
وبلىس اكىمدىگىنىڭ قولداۋىمەن، وبلىستىق مادەنيەت جانە تۋريزم باسقارماسىنىڭ ۇيىمداستىرۋىمەن وتكەن فەستيۆال ماقساتى – جاستاردى وتانشىلدىققا تاربيەلەۋ، كوشە تەاترلارىنىڭ ءرولىن كوتەرۋ، بەلسەندى قوعامدىق باعىت ۇستانۋىنا جاعداي جاساۋ، تۇركىستاندىقتار مەن رۋحاني استانا قوناقتارىنا مازمۇندى دۇنيەلەر ۇسىنۋ، مادەنيەتتى دامىتۋ.
