وتاندىق "راۋزا" سەريالىندا ماڭقانىڭ رٶلٸن سومداعان, ٶزگە دە كينولاردا بوي كٶرسەتٸپ جٷرگەن تانىمال اكتەر شەرحان پٸرنازار بالالىق شاعى قالاي ٶتكەنٸن بايانداپ بەردٸ, دەپ حابارلايدى Dalanews.kz.
“سەلەم, ەۆروپا” ارناسىنا ەرتٸس ەكە-شەشەسٸ ەرتەرەكتە اجىراسىپ كەتكەنٸن, ٶزٸ ەجەسٸنٸڭ باۋىرىندا ٶسكەنٸن جاسىرمادى.
“مەن ەجەمنٸڭ بالاسى بولدىم, ونىڭ سەگٸز بالاسى بولدى, بٸرەۋٸ قىز, توعىزىنشىسى مەن ەدٸم. جاتسا دا, تۇرسا دا جانىنان تاستامايتىن. ەجەمنٸڭ جەتٸ بالاسى بٸر ٷيدە تۇرعان. جەتٸ كەلٸننٸڭ ٸشٸنەن مەنٸڭ مامامدى ەرەكشە جاقسى كٶرٸپ, تٸرلٸك ٸستەتپەي ەركەلەتكەن. بٸراق ەكە-شەشەم اجىراسىپ كەتتٸ. سول كەزدە قاتتى جىلاعانىم ەسٸمدە. سوندا ەجەم ٶز بالاسىنا “نەمەرەمدٸ جەتٸم ەتتٸڭ” دەپ قاتتى ۇرىسقان. سول كەتكەننەن ەكەم ٷيگە كەلمەدٸ", - دەدٸ ٶنەر يەسٸ.
ول تٶرت جىل بۇرىن عانا ەكەسٸمەن كٶرٸسكەنٸن ايتتى.
"قانشا دەگەنمەن ەكەنٸڭ اتى – ەكە ەكەن. وعان دەيٸن بەتپە-بەت كەزدەسكەندە بەرٸن ايتامىن دەپ كٸجٸنٸپ بارعان ەدٸم. بٸراق ونىڭ بەرٸ كٶرگەن كەزدە ۇمىتىلىپ, اشىق سٶيلەستٸك. ەكەم: "بٸز اجىراسقاندا ەجەڭ, "مەنٸڭ نەمەرەمدٸ جەتٸم قىلدىڭ" دەپ ماعان تەرٸس باتاسىن بەرگەن ەدٸ, سول جاعدايدان كەيٸن جولىم بولمادى" دەپ ٶكٸندٸ", – دەيدٸ اكتەر.
ال ماڭقا 10-سىنىپ وقىپ جٷرگەندە ەجەسٸ دٷنيەدەن ٶتەدٸ.
"اۋىلدان اعام كەلٸپ, مەنٸ سۇراپ ەكەتتٸ. بارساق ەجەم ٶمٸردەن ٶتكەن, ادامدار جەرلەۋ ٷشٸن تابىتقا سالىپ, مەنٸ كٷتٸپ تۇرعان ەكەن. قوشتاسىپ ٷلگەردٸم. ەجەم "شەرحان ٷيلەنسە تويىن ٶزدەرٸڭ ٸستەپ بەرٸڭدەر" دەپ بالالارىنا اماناتتاپ كەتكەن ەكەن. سودان مەن ٷيلەنٸپ, توي جاساۋعا كەلگەندە ٶز جۇرتىم مەن ناعاشىلارىم تالاسىپ قالدى. "بٸزدٸڭ دە توي جاساۋعا جاعدايىمىز جەتەدٸ, ولاي بولسا قۇدالاردى بٸز دە كٷتەمٸز. تويدىڭ شىعىنىنا دا بٸز ٶز ٷلەسٸمٸزدٸ قوسامىز" دەپ شارت قويىپ, ەكٸ جاق ابىرويمەن اتقارىپ بەردٸ”, – دەدٸ ول شاڭىراق كٶتەرگەن سەتٸن ەسكە الىپ.
سونىمەن قاتار, اكتەر ەكەسٸ تاستاپ كەتكەننەن كەيٸن اناسى ەكەۋٸنٸڭ ٶمٸرٸ قالاي ٶربٸگەنٸن دە ەڭگٸمەلەدٸ.
“ەكەمٸز كەتكەننەن كەيٸن انام مەنٸ ويلاپ ەكٸنشٸ رەت تۇرمىسقا شىقپادى. ناعاشىلاردىڭ قولىندا ٶستٸم. بٸراق ٶتە قيىن بولدى. سەبەبٸ مەنٸڭ ەكەم دە, ونىڭ باۋىرلارى دا اۋىلدا اتىس-شابىس, تٶبەلەسكە جاقىن ٶسكەن. پٸرنازار ەۋلەتٸ سوندايمەن اتىشۋلى ەدٸ. كەيٸن انام اجىراسىپ, تٶركٸنٸنە قايتىپ كەلگەندە ناعاشىلارىم "سەن ەكەڭە تارتقانسىڭ, بۇل جيەن ادام بولمايدى" دەپ كەكەتٸپ, ايتا بەرەتٸن. ول سٶزدٸ ەستٸگەن سايىن ەجەمنٸڭ مەيٸرٸمٸن, ماحابباتىن اڭساپ, جىلاۋشى ەدٸم. ەسەيٸپ, الماتىعا وقۋعا كەتكەندە دە "وي, سەنٸڭ شەرحانىڭ ادام بولمايدى, وقىپ جٷر دەيسٸڭ بە, ٸشٸپ, قۋىپ جٷرگەن شىعار. كٶرەسٸڭ, ول دا ەكەسٸنە ۇقساپ, ەلٸ سەنٸ قان قاقساتادى" دەپ ايتا بەرگەن ەكەن", - دەپ اعىنان جارىلدى اكتەر.
