ايتۋلى جيىنعا قازاقستان رەسپۋبليكاسى مەدەنيەت جەنە اقپارات ۆيتسە-مينيسترٸ ارمان جٷدەباەۆ, قازاقستان جازۋشىلار وداعى باسقارما تٶراعاسىنىڭ ورىنباسارى نۇرجان قۋانتاي جەنە قوعام قايراتكەرلەرٸ, بەلگٸلٸ قالامگەرلەر, مەملەكەتتٸك باعدارلامامەن جارىققا شىققان كٸتاپ اۆتورلارى مەن كٸتاپتى شىعارۋشى باسپاگەرلەر, كٸتاپحانا قىزمەتكەر قاتىستى.
"مەملەكەت باسشىسى تٷركٸستاندا ٶتكەن ۇلتتىق قۇرىلتايدا كٸتاپ يندۋستريياسىن دامىتۋعا باسا نازار اۋدارعانى بەلگٸلٸ. «جاڭا قازاق ەدەبيەتٸ» سەريياسىمەن شىققان كٸتاپتاردىڭ تۇساۋكەسەرٸ مەملەكەت باسشىسىنىڭ تاپسىرماسىن ٸسكە اسىرۋداعى ٷلكەن قادامداردىڭ بٸرٸ.
بۇل سەرييامەن بۇرىن جارىق كٶرمەگەن, ەدەبيەتكە تىڭ سەرپٸن بەرگەن جەنە قازاق ەدەبيەتٸنٸڭ جاڭا كەلبەتٸن قالىپتاستىرۋدا ايرىقشا ورىن الاتىن ەدەبيەتتەر باسىلىپ شىعاتىنى بارشاڭىزعا مەلٸم. جاڭا قازاق ەدەبيەتٸ ٶكٸلدەرٸن قولداۋ مينيسترلٸكتٸڭ ەردايىم نازارىندا" - دەدٸ ارمان جٷدەباەۆ.
«جاڭا قازاق ەدەبيەتٸ» جوباسى «ەدەبيەتتٸڭ ەلەۋمەتتٸك ماڭىزدى تٷرلەرٸن ساتىپ الۋ, باسىپ شىعارۋ جەنە تاراتۋ» رەسپۋبليكالىق بيۋدجەتتٸك باعدارلاماسى اياسىندا ٶتكەن جىلدان بەرٸ قولعا الىنعان بٸرەگەي باستاما.
2022 جىلى وسى باعدارلامامەن 10 اۆتوردىڭ كٸتابى جارىق كٶرٸپ, ەرقايسى 3 مىڭ دانامەن ەلٸمٸزدٸڭ تٷپكٸر-تٷپكٸرٸنە جەتكٸزٸلدٸ.
بيىل جارىققا شىققان 14 كٸتاپتىڭ بارلىعى دا ەلٸمٸزدەگٸ كٸتاپحانالاردىڭ قورىن تولىقتىرادى.
جيىن بارىسىندا ٸس-شاراعا قاتىسۋشىلار قازٸرگٸ قازاق ەدەبيەتٸنٸڭ ٶزەكتٸ مەسەلەلەرٸن تالقىلادى.
