Aitýly jiynǵa Qazaqstan Respýblikasy Mádeniet jáne aqparat vitse-ministri Arman Júdebaev, Qazaqstan Jazýshylar odaǵy Basqarma tóraǵasynyń orynbasary Nurjan Qýantai jáne qoǵam qairatkerleri, belgili qalamgerler, memlekettik baǵdarlamamen jaryqqa shyqqan kitap avtorlary men kitapty shyǵarýshy baspagerler, kitaphana qyzmetker qatysty.
"Memleket basshysy Túrkistanda ótken Ulttyq quryltaida kitap indýstriiasyn damytýǵa basa nazar aýdarǵany belgili. «Jańa qazaq ádebieti» seriiasymen shyqqan kitaptardyń tusaýkeseri Memleket basshysynyń tapsyrmasyn iske asyrýdaǵy úlken qadamdardyń biri.
Bul seriiamen buryn jaryq kórmegen, ádebietke tyń serpin bergen jáne qazaq ádebietiniń jańa kelbetin qalyptastyrýda airyqsha oryn alatyn ádebietter basylyp shyǵatyny barshańyzǵa málim. Jańa qazaq ádebieti ókilderin qoldaý ministrliktiń árdaiym nazarynda" - dedi Arman Júdebaev.
«Jańa qazaq ádebieti» jobasy «Ádebiettiń áleýmettik mańyzdy túrlerin satyp alý, basyp shyǵarý jáne taratý» respýblikalyq biýdjettik baǵdarlamasy aiasynda ótken jyldan beri qolǵa alynǵan biregei bastama.
2022 jyly osy baǵdarlamamen 10 avtordyń kitaby jaryq kórip, árqaisy 3 myń danamen elimizdiń túpkir-túpkirine jetkizildi.
Biyl jaryqqa shyqqan 14 kitaptyń barlyǵy da elimizdegi kitaphanalardyń qoryn tolyqtyrady.
Jiyn barysynda is-sharaǵa qatysýshylar qazirgi qazaq ádebietiniń ózekti máselelerin talqylady.
