Shara aiasynda shákirtter mýzei qyzmetkerleri Orazov Talǵat pen Berikbai Abdrasilovtiń Qoja Ahmet Iasaýi esimimen bailanysty mýzei qoryndaǵy tarihi muralar jáne kesene ǵimaratynyń arhitektýrasy men qurylymy, onda saqtalǵan kundy jádigerler jaiynda lektsiiasyn tyńdady.
Jyl basynan beri qalanyń barlyq bilim uialarynda josparǵa sáikes turaqty túrde uiymdastyrylyp jatqan sharanyń maqsaty- san ǵasyrlyq tarihy bar, barsha túrki jurty bas igen Qoja Ahmet Iasaýi ómiri men ulaǵatty úlgi-ónegesin jas urpaqqa keńinen nasihattaý, muralar tarihymen arnaiy tanystyryp, týǵan jer men eldiń qadirine súiispenshilikpen qaraýǵa úles qosý, kesene men onda jerlengen tulǵalardyń máńgilik izin uǵyndyrý.
Osy oraida mamandardyń maǵlumatyn tyńdap, ańyz-áńgimeler men tarihi derekterge de qyzyǵa qulaq túrgen oqýshylar kórmege kelgen týyndylardyń syry men qupiiasyna úńildi.
Ásirese, keseneniń Qazandaq bólmesiniń esigi jaily aqparatqa yntyqqan jasóspirimder qaqpany bezendirgen ósimdik tektes oiýlarmen qatar ondaǵy tereń mándi sózderdiń mánin túsindi. Sondai-aq, Taiqazannyń syrtqy bezendirilýinde de tek qazaqi naqyshtar emes, túrli arab jazýy arqyly Quran aiattary men paiǵambar hadisteri jazylǵandyǵy týraly málimet oqýshylarǵa airyqsha rýh syilaǵandai.
- Ǵasyrdan-ǵasyrǵa mura bolyp kele jatqan tól tarihymyzdyń, máńgilik muramyz ben muratymyzdyń dáleli — qolda bar jádigerlerimiz. Bul bastama ózge de bilim uialarynda jalǵasyn tabady. Bizdiń keleshegimiz-búgingi urpaq. Kesenege jáne kesene aýmaǵyndaǵy tarihi oryndar men tulǵalar, tól muralary jaily maǵlumatty barynsha nasihattap, jas sanaǵa sińirý tarihymyzǵa qurmetpen qaraýǵa tárbieleitini sózsiz. Oǵan búgin taǵy da kóz jetkizdik. Qaqpa men taiqazan zat túrindegi tarihi jádigerler emes, qoinaýy qanshama syr men mán-maǵynaǵa toly ekendigin bilip, qyzyqqandaryna erekshe qýandym. Tipti, erteń kesenege arnaiy kelip, jádigerlerdi kózben kórip, tanysýǵa suranyp jatyr. Búgingi bir saǵat ishinde alǵan málimetter aiasynda oqýshylar tól tarihymyzdyń betterin qyzyǵa paraqtaitynyna senemin»,-dedi mýzei qyzmetkeri Talǵat Orazov.
