Óńir basshysy aldymen áýejaı baǵytyndaǵy jasyl beldeýdiń jumysymen tanysty. Sonymen birge Shaǵa kóli, ekobazardyń jaı-kúıin baǵdarlady.
Qalany damytýdyń İİ kezeńine sáıkes áýejaı baǵyty mańynda 12 jobany iske asyryrý kózdelgen. Onyń ishinde 400 gektar qara órik baǵy, 50 gektar jerge jylyjaı, 10 myń bas iri qara bordaqylaý kesheni jáne ózge de jobalar bar.
Atalǵan aýmaqty aralaǵan oblys ákimi «Daryn» mektebi men jataqhanasynyń qurylys barysymen de tanysyp, jaýapty basshylar en merdigerlerge qurylysty sapaly ári ýaqtyly júrgizýdi tapsyrdy.
Ákimshilik-iskerlik ortalyǵy aýmaǵynda halyqaralyq deńgeıdegi sport nysandary salynyp jatyr. Atap aıtsaq, tenıs ortalyǵy, qysqy sport túrleri saraıy, eskek esý bazasynyń qurylysy qarqyndy. Túrkistanda týrızmdi ǵana emes, sportty da damytýǵa múmkindik bar ekenin aıtqan Ómirzaq Shókeev:
«Bul nysandardyń bári jas urpaq úshin salynyp jatyr. Jastarymyz sportty serik etip, densaýlyǵy myqty bolyp ósse, memleket bolashaǵy da jarqyn bolady. Sondyqtan bul sport nysandarynyń bári zaman talabyna saı, sapaly ári yńǵaıly etip salynýy tıis» deı kele Túrkistannyń sport ortalyǵyna aınaldyrýǵa tolyq múmkindik bar ekenin atap ótti.
Osy salalarǵa jaýapty ókilderge tıisti tapsyrmalar berip, ár isti janashyrlyqpen atqarýdy tapsyrdy. Oblys basshysyna amerıkalyq úlgidegi jańa úılerdiń jobasy tanystyryldy. Ár úıdiń jalpy kólemi 100 sharshy metrdi quraıdy. Modýldik úıler zamanaýı úlgide salynady.
