ءوڭىر باسشىسى الدىمەن اۋەجاي باعىتىنداعى جاسىل بەلدەۋدىڭ جۇمىسىمەن تانىستى. سونىمەن بىرگە شاعا كولى، ەكوبازاردىڭ جاي-كۇيىن باعدارلادى.
قالانى دامىتۋدىڭ ءىى كەزەڭىنە سايكەس اۋەجاي باعىتى ماڭىندا 12 جوبانى ىسكە اسىرىرۋ كوزدەلگەن. ونىڭ ىشىندە 400 گەكتار قارا ورىك باعى، 50 گەكتار جەرگە جىلىجاي، 10 مىڭ باس ءىرى قارا بورداقىلاۋ كەشەنى جانە وزگە دە جوبالار بار.
اتالعان اۋماقتى ارالاعان وبلىس اكىمى «دارىن» مەكتەبى مەن جاتاقحاناسىنىڭ قۇرىلىس بارىسىمەن دە تانىسىپ، جاۋاپتى باسشىلار ەن مەردىگەرلەرگە قۇرىلىستى ساپالى ءارى ۋاقتىلى جۇرگىزۋدى تاپسىردى.
اكىمشىلىك-ىسكەرلىك ورتالىعى اۋماعىندا حالىقارالىق دەڭگەيدەگى سپورت نىساندارى سالىنىپ جاتىر. اتاپ ايتساق، تەننيس ورتالىعى، قىسقى سپورت تۇرلەرى سارايى، ەسكەك ەسۋ بازاسىنىڭ قۇرىلىسى قارقىندى. تۇركىستاندا ءتۋريزمدى عانا ەمەس، سپورتتى دا دامىتۋعا مۇمكىندىك بار ەكەنىن ايتقان ءومىرزاق شوكەيەۆ:
«بۇل نىسانداردىڭ ءبارى جاس ۇرپاق ءۇشىن سالىنىپ جاتىر. جاستارىمىز سپورتتى سەرىك ەتىپ، دەنساۋلىعى مىقتى بولىپ وسسە، مەملەكەت بولاشاعى دا جارقىن بولادى. سوندىقتان بۇل سپورت نىساندارىنىڭ ءبارى زامان تالابىنا ساي، ساپالى ءارى ىڭعايلى ەتىپ سالىنۋى ءتيىس» دەي كەلە تۇركىستاننىڭ سپورت ورتالىعىنا اينالدىرۋعا تولىق مۇمكىندىك بار ەكەنىن اتاپ ءوتتى.
وسى سالالارعا جاۋاپتى وكىلدەرگە ءتيىستى تاپسىرمالار بەرىپ، ءار ءىستى جاناشىرلىقپەن اتقارۋدى تاپسىردى. وبلىس باسشىسىنا امەريكالىق ۇلگىدەگى جاڭا ۇيلەردىڭ جوباسى تانىستىرىلدى. ءار ءۇيدىڭ جالپى كولەمى 100 شارشى مەتردى قۇرايدى. مودۋلدىك ۇيلەر زاماناۋي ۇلگىدە سالىنادى.
